“Prioridade ba tinan oin, Governu aseita ona sei halo tan rekrutamentu ba membru F-FDTL 600”, dehan nia hafoin partisipa audiénsia públika ho komisaun C trtata asuntu finansa públika, iha Parlamentu Nasionál, kinta (18/11).
Ho ida ne'e, Ministériu Defeza sei sosa mós ekipamentu militár hanesan farda, kilat no kilat-musan ba membru F-FDTL foun sira.
Iha loron 27 setembru 2021, kadate foun F-FDTL na’in-600 desloka ona ba Komponente Formasaun no Treinu Metinaro, hodi submete ba formasaun militár durante fulan neen (6), atubele hala’o kna’ar iha instituisaun defeza.
Liga ba proposta OJE 2022 ba Ministériu Defeza, sei prioritiza programa ho kódiku 388 kona-ba Defeza Nasionál ho nia sub-programa formasaun no dezenvolvimentu rekursu umanu iha área defeza no seguransa ho nia atividade mak halo rekrutamentu militár no funsionáriu Ministéiru Defeza, ho alokasaun orsamentu iha verba saláriu vensimentu no bens servisu valór hamutuk US$650,127.
Aleinde sei priotiza mós seguransa ba eleisaun parlamentar ho eleisaun Prezidénsia.
"Ida ne'e ami foku teb-tebes, embora iha orsamentu ne'e, buat oituan mak ka tama mais ami sente ami halo jestaun bele”, esplika Paixão. (*)