Print this page

UPF Kontinua Prende Sasán Ilegál iha Fronteira

By November 18, 2021 722
Sasán Ilegál ne’ebé prende tula hela ba karreta UPF iha Fronteira Sasán Ilegál ne’ebé prende tula hela ba karreta UPF iha Fronteira Foto Suplay

Tempotimor (Dili)-Polísia Nasionál Timor-Leste (PNTL) husi Unidade Patrolamentu Fronteira(UPF) kontinua prende sasán ne'ebé ema lori tama ilegál liuhusi fronteira rai maran.

"Sim hodibainrua jam 10 kalan ne'e, ami prende sasán Ilegál barak, hanesan tabaku, fugetis, inklui mós animal, ne'ebé liuhusi transasaun ilegál”, dehan Komandante UPF Superintendente, Euclides Belo, liuhusi telefone, kinta (18/11)

Sasán hirak ne'e hameno husi Timoroan sira no seidauk to’o iha suspeitu nia liman, unidade patrolamentu fronteira (UPF) toman tiha.

"Dadaun ne'e sasán sira entrega hotu ona ba komandu munisípiu Bobonaru nia liman, liliu iha seksaun investigasaun para halo prosesu kontinuasaun, e servisu intelijensia sira ami lansa ona para buka tuir ema (suspeitu) sé mak hameno sasán sira ne'e mai”, afirma nia. 

Entretantu sasán hirak ne'e prende iha área alto Lebos, Postu Administrativu Maliana, Munisípiu Bobonaro. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items