Login to your account

Username *
Password *
Remember Me

PNTL Hahú Diskute Preparasaun Seguransa iha Loron Boot

Unidade sira iha PNTL no Gabinete xefe servisu iha komandu munisípiu sita, halo hela diskusaun ba prepasaun seguransa Loron Boot iha tinan 2021, iha komandu jerál munisípiu Dili, tersa (16/11). Unidade sira iha PNTL no Gabinete xefe servisu iha komandu munisípiu sita, halo hela diskusaun ba prepasaun seguransa Loron Boot iha tinan 2021, iha komandu jerál munisípiu Dili, tersa (16/11). Foto Suplay

Tempotimor (Dili)-Komandu Polísia Nasionál Timor-Leste (PNTL) hahú diskute preparasaun seguransa atividade loron boot iha tinan 2021.

“Iha enkontru ne'e, asuntu tolu importánte mak ami diskute, ida avaliasaun servisu durante ne'e, hahú husi Estadu emerjénsia to’o mai agora, e segundu haree mós preparasaun PNTL nia oinsá asegura atividade ka eventu sira ne'ebé besik ona, hanesan dia 28 Novembru, e ikus liu oinsá asegura atividade tinan foun no natál, mak ajenda ida prepara natál no tinan foun ninia, ne'ebé ha'u hanoin ida ne'e mak ajenda tolu importánte ne'ebé mak ohin ami diskute”, dehan Komadante PNTL, Komisáriu Faustino da Costa, iha komandu jerál munisípiu, Dili, tersa (16/11).

Iha enkontru ne’e halo mós avaliasaun jerál ida, ne’ebé envolve munisípiu hothotu, unidade sira nomós gabinete xefe servisu iha komandu nian.

Aleinde ne'e, komandu munisípiu no unidade sira,aprezenta situasaun iha teritoriu tomak no situasaun hotu iha territóriu la'o di'ak tebes.

"Los duni iha semana ida rua liuba akontesimentu balun, hanesan mós iha kapitál Dili, maibé ida ne'e la implika ba movimentu jerál, agora implikasaun movimentu jerál, ba transporte ne'e mak, ita hotu hatene no akompaña lalina iha udan boot ida ne'e, iha munisípiu no Postu Administrativu balun, ahi kuaze 24 oras la lakan, estrada balun que kotu, la'ós de'it iha Ermera maibé iha kapitál ne'ebé atu desloka ba rai klaran, ne'e mós hanesan, difikulta tebes movimentu transporte”, hatete nia.

Ba selebra loron 28 Novembru ne'e, PNTL sei envolve iha parada, no sei halo seguransa, ho forsa sira seluk, inklui  ba loron natál ho tinan foun nia.

"Diretiva komandu hasai ona, liga ba atividade preventiva ne'e mak halo barajen de estrada, Check point nomós check sasán sira ne’ebé tama, husi rai ketan mai, para ita lakohi atu mosu buat ruma ne'ebé ita la espera, iha eventu loron boot hanesan natál no tinan foun, inklui fugetis sira ne'e hotu”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter