"Relasiona ho situasaun atual, ne'ebé mak ita-nia joven sira ne'ebé iha arte marsiál, dalabarak sira uza sala arte marsiál nia doutrina, hodi asaltu malu kala-kalan, hana malu, hein malu iha dalan dalan, ho ida ne'e primeiru ha'u hakarak husu filafali, ba líder arte marsiál hothotu, atu fó hanoin di'ak ba nia membru sira atu evita buat ida Violénsia ne'e, e segundu mak husu ba seguransa liliu ba ita-nia PNTL sira, atubele halo Vizilansia másimu, halo operasaun másimu, hanesan 24 oras para asegura estabilidade iha rai laran”, dehan Vise Parlamentu Nasionál (PN), Luís Roberto, iha PN, tersa (16/11).
Liliu iha Munisípiu sira ne'ebé dadaun ne'e enfrenta hela konflitu, hanesan iha Baukau, Dili, Maliana, Suai, no kuaze Munisípiu lubuk ida mak joven sira haree malu matan la moos.
Tanba ne'e mak nafatin husu ba Komadante PNTL Munisípiu sira atubele orienta ninia membru sira atu fó seguransa másimu ba komunidade sira.
"Maneira operasaun ne'ebé ha'u hakrak ko'alia mak, koopera hamutuk ho ita-nia autóridade lokál sira, no líder arte marsiais sira,ba xefe de postu sira,no kria dialogu aberta ho sira, hodi hanusa para bele evita violénsia iha rai laran, maibé se halo ona buat sira ne'e mak nafatin mosu, ha'u fiar que iha ona lei ne'ebé rigor hodi aplika ba ita-nia emar sira ne'ebé mak komete nafatin Krime”, afirma nia.
PNTL mós iha meius ida la'ós uza forsa, maibé uza lei ne'ebé prevé ona iha KRDTL, nomós lei sira ne'ebé mak iha, nune'e bele proteze sidadaun sira halo violensia. (*)