Membru Komisaun B, deputadu Aderito Hugo, husu ba komandu PNTL Munisípiu Díli atu aumenta volume ptrollamentu durante 24 oras hodi asegura komunidade la’o livre.

"Agora ita tama ba fim do ano, husu parte PNTL aumenta volume patrollamentu 24 oras di'ak liu, para depois bele prevene aktus sira ne’ebé kontinua  aumenta ninia frekuénsia ne'e, tenke halo imediata, labele hein tan akontese ona mak halo, tanba realidade kada fim do ano hanesan ne'e liliu iha Kapitál Dili ne'e aktu kriminalidade ne'e aas tebes”, dehan deputadu Adérito Hugo, iha PN, segunda (15/11).

Automatikamente komandu PNTL hatene ona situasaun tenke hola medida prevensaun rapidu, posivel, ba oin nune'e bele husik komunidade sira iha kapitál Dili la'o ho hakmatek.

"Prezensa PNTL iha komunidade ne'e importante, bainhira PNTL sira prezensa iha Komunidade nia leet ne'e halo Komúnidade sira sente seguru, no ema sira atu halo problema ne'e mós tauk, tanba ne'e PNTL presiza haree ba buat sira ne'e”, hatete nia.

Maibé husu nafatin ba PNTL, bainhira Volume Patrollamentu ki’ik, presiza aumenta Volume Patrollamentu to’o 24 oras. (*)