"Iha situasaun ida que momentu ita selebra loron joventude ninia iha situasaun ne'e mak iha grupu no joven balun aproveita kria situasaun ne'e iha komunidade nia leet, e segundu tanba influénsia alkool, buat ida tua ne'e mak propvoka situasaun sira ne'e, ne'ebé fatór prinsipál mak ne'e”, dehan Komisáriu Faustino da Costa, iha Sentru Formasaun Polísia, Komoro, segunda (15/11).

Tanba ne’e, Komandu PNTL Klarifika ba komunidade sira katak, iha fim de Semana iha kazu kona-ba rama ambon kazu rua. 

Maibé iha kazu balun ne'ebé mak akontese iha tinan hirak liuba mak ema publika filafali iha mídia sosiál.

"Iha Dili ne'e ita orienta ona ba komandu sira atu haree ekipa propriu ne'ebé iha fim de semana ne'e mós halo ona servisu, liliu ba situasaun sira hanesan ne'e no atividade sira hanesan rama anbon la'o filafila. Ne'ebé ita-nia ekipa la'o hela ba ida ne'e”, hatete nia.

Mekanizmu operasaun sei la dehan sai katak abertu ou lae, maibé komandu munisípiu Dili dadaun ne'e kontinua halo nia atividade, iha dader loraik sira kontinua esforsu, kona-ba asidente viajen rodoviáriu ninia, no ekipa propriu ne'ebé haree duni ba situasaun ne'e, envolve ona unidade espesial. (*)