“Balun iha Ainaru, Aileu ba hola farda iha obralan, ne’e problema sira ne’ebé ami hetan ona, karik iha problema seluk tan”, dehan José Telo iha Kuartel Komandu PNTL Munisípiu Manufahi, segunda (15/11).
Alende nia mós rekomenda ba Ministru Interiór (MI) hodi tau atensaun ba assuntu sira ne'e.
"Papel saida mak iha ne'e PDHJ sei halo rekomedasaun ba instituisaun relevante sira, liliu ba ita1boot sira-nia komandu jerál nomós ba Ministériu Interiór, atuál Ministériu Interiór mak ita nia eselénsia Primeiru Ministru (PM), Taur Matan Ruak”, afirma nia.
Dala barak públiku konsumu katak prezensda PDHJ buka de’it fallansu husi PNTL nian maibé oinsá atu buka solusaun ba problema sira ne’ebé mak terrenu hasoru.
“Dala barak liu ema ezije polísia tenke profesionál, maibé atu profesionál oinsá?. Dala barak ita-boot sira tiru ema dehan laloos maibé tiru ema ne’e laloos, maibé la loos oinsá, dala barak liu ita-boot sira haree PDHJ ne’e dehan buka de’it ita boot sira-nia sala”, dehan nia.
Maibé PDHJ no PNTL ne’e família ida hodi haloos fallansu sira ne’ebé mak iha hodi hatur tuir dalan ne’ebé loos. (*)