Print this page

Komandu F-FDTL Promove Saudozu Domin ho Postu Koronel 

By November 14, 2021 1611
Xefe Estadu Maior Jenerál  F-FDTL, Tenente Jenerál Lere Anan Timur tula hela diviza promosaun iha kaisaun Saudozu veteranu Tenente-coronel Domingos da Costa dos Santos “Domin”, iha Metinaro, domingu (14/11). Xefe Estadu Maior Jenerál F-FDTL, Tenente Jenerál Lere Anan Timur tula hela diviza promosaun iha kaisaun Saudozu veteranu Tenente-coronel Domingos da Costa dos Santos “Domin”, iha Metinaro, domingu (14/11). Foto Tempo Timor

Tempotimor (Dili)-Komandu Falintil-Forsa Defeza Timor-Leste (F-FDTL) liuhusi Xefe Estadu Maior Jenerál deside promove Saudozu veteranu Tenente-koronel Domingos da Costa dos Santos “Domin”, ho Postu Koronel, sai hanesan promosaun no omenajen ikus ba Saudozu.

Promosaun ne’e, halo hafoin misa ba Saudozu iha Kapela Militar, Sentru Treinamentu no Formasaun Forsa, Metinaro, domingu (14/11).

Despaisu ne’ebé asina husi Xefe Estadu Maior Jenerál  F-FDTL, Tenente Jenerál Lere Anan Timur, iha Kuartel Jenerál F-FDTL, Fatuhada-Dili, loron 14 fulan-novembru 2021, fó sai katak, tuir despaisu Númeru 004/XEMJF-FDTL/2021,  promove korum instisaun, ba postu Koronel Saudoza Domingos da Costa Santos ‘Domin’  bazeia ba aliña 3 no 7 artigu 68, dekretu lei Númeru 33/2020, de dia 2 de fevereiro, estatutu militares das F-FDTL.

Iha alínea 2, dehan, provasaun dalan distinsaun sai nu’udar premiu, ida tanba vertudi, espesional no kapasidade komanda diresaun ou xefia ne’ebé mak militar ne'e hatudu iha kampaña ou iha asosiasaun ida ne'ebé atribui ba gloria a patria, prezistizu iha instituisaun militar.

Nune’e iha alínea 7 hatete, militar ne'e bele hetan formasaun husi dalan distuisaun, liliu dalan ida no formasaun nune'e mós bele akontese depois nia mate.

Tanba ne'e, instituisaun F-FDTL, liuhusi Xefe Estadu Maiori Jenerál F-FDTL deside hodi promove saudozu Tenente-coronel, Domingos da Costa Santos, ‘Domin’ ba postu Koronel, hahú loron 14 fulan-novembru 2021.

Promosaun ne’e, públika iha orden servisu, no arkivu prosesu, formasaun refere, iha respetivu servisu individuál saudozu nian. (*)

Rate this item
(1 Vote)
Last modified on Sunday, 14 November 2021 22:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items