"Ohin ha'u hatete ba Prezidente katak, ha'u-nia prioridade ba infraestrutura mak portu Hera, baze Navál Hera, Governu tenke apresa lalais para labele piora situasaun ne'e ba ami, ne'e mak hatete ba Prezidente Repúblika mais ha'u hanoin katak Governu aloka ona osan kuaze 90 ital millaun atu hadi’a portu Hera”, dehan Lere hafoin inkontru ho PR Lú Olo iha Palasíu Presidensiál Bairopite, kuarta (10/11).

Maibé kona-ba situasuan rai laran Baukau mak mosu problema nafatin, tanba sira haluha família ne’ebé terus durante luta.

"Baukau la signifika Baukau vila de'it purezemplu Baguia, sira oho malu dala rua tutuir malu, Baukau-Uailili, buat sira ne'e hotu saida mak babeur ona sira haluhan sira-nia terus, sira-nia família mate, parente sira-nia terus", hatete Lere.

Tanba tempu baku malu ona, iha tinan 1975 to’o 1999 povu barak mak moris iha situasaun ameansadu nia laran, maibé iha ukun-an tenke husik hahalok at ne’ebé kontinua haterus povu.

"Baukau ne'e, ha'u hanoin tenke husu konsiénsia komunidade, joventude ninian e atividade Polísia ninian e agora infraestrutura sem dúvida Prezidente la bele deside ne'e Governu mak deside", dehan Lere. (*)