Login to your account

Username *
Password *
Remember Me

PNTL Sei Prioritiza Servisu Operasionál no Eleisaun 

Komandante Jerál Polísia Nasionál Timor-Leste (PNTL), Komisiáriu Faustino da Costa. Komandante Jerál Polísia Nasionál Timor-Leste (PNTL), Komisiáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisiáriu Faustino da Costa hatete, proposta Orsamentu Jerál Estadu (OJE) 2022 ne'ebé aloka ba PNTL ho montante millaun US$28, sei tau prioridade ba ekipamentu adekuadu servisu operasionál no Eleisaun Prezidénsia Repúblika (PR).

"Enjeral ita haree ba tinan oin, atividade eventu importante ne’ebé mak akontese ne'e mak eleisaun prezidensial, ita haree mós ba servisu operasionál ninian”, dehan nia hafoin finaliza audénsia públika ba proposta OJE 2022 ho Komisaun B trata asuntu seguransa no defeza iha Parlamentu Nasionál (PN), sesta (05/11).

Maibé, husi programa rua ne'e PNTL husu tan adisional Millaun US$5 tanba tetu orsamentu ne'ebé Komisaun Revizaun Orsamentu Polítika (KROP) fó ba PNTL ne'e hamutuk milaun US$28 resin de'it no seidauk bele kobre serbisu operasionál iha terenu.

Tanba tinan 2022 ne'e Timor-Leste sei hasoru tan eleisaun prezidensial, no PNTL presiza iha ekipamentu adekuadu ida atubele responde ba situasaun ida ne'e.

Ho ida ne'e, komandu jerál iha loron sesta (05/11), halo ona audénsia públika ho komisaun B trata asuntu seguransa no defeza, atu haree orsamentu ne'ebé mak PNTL propoin ba tinan 2022.

Ba adisionál ida ne'e, komandante jerál rasik mós aprezenta ona maibé enprisipiu deputadu sira mós haree ona tanba sira fiskaliza direita iha terenu kona-bá difikuldades PNTL hanesan transporte (viatura) operasional, motorizada, ekipamentu komunikasaun, IT (informasaun teknolojia), inklui kondisaun sira seluk ne’ebé mak liga ba servisu polísia nian ho ninia efetivu rihun-4.90-resin.

Tanba ne'e ejize duni ekipamentu polisiál, lojístika, infraestrutura ne'ebé di'ak para atu bele garante (eleisaun Prezidénsia) no eleisaun parlamentár iha tinan oin mai bele la'o di'ak.

"Entaun ida ne'e mak ita propoin ba ne'ebá, e ita aprezenta ba Parlamentu Nasionál, pois bainhira aprezentasaun Iha plenária ita espera katak orsamentu ida ne'e bele pasa, tanba atu responde ba situasaun operasionál iha terenu”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter