"Ohin ita preparasaun konaba seguransan simu ita nia kadável Amu Bispu Dom Basílio do Nasimento atinje ona 90%, koordenasaun no komunikasaun entre parókia tantu dioseze uniaun téknika dala rua tiha ona finalidade horseik ohin ne'e ezekusaun”, dehan Komadante Komandu PNTL Munisípiu Baukau, Superintendente Xefe Armando Monteiro iha vila antiga, Segunda (01/11).

PNTL munisípiu Baukau, hamutuk ho Organizasaun THS-THM husi Dioseze Baukau, hodi fó seguransa kona-ba movimentu sarani sira nian iha partisipasaun kadável Dom Basílio nian inklui selebra misa iha igreja katedral vila antiga Baukau to'o serimonia funebre remata.

PNTL munisípiu Baukau inisiú kedas servisu hamutuk ho Servisu Komadu Konjuta Operasaun Kordenada (SKKOK) hodi prepara atu asegura iha loron finadu liu-liu iha loron importante ne'e, nune'e PNTL munisípiu Baucau nafatin husu sarani sira atu kolaborasaun no hakmatek iha selebra loron importante ne'e.

Kona-ba fatin ne'ebé sarani sira husi Dioseze Dili no Maliana nian ne'ebé atu partisipa iha serimónia selebrasaun misa ne'e, parókia Baucau servisu hamutuk ho PNTL indentifika ona fatin iha Teulale, Kampu Alegria, inklui eskola SACROJES Vila Nova.

"Kordenasaun la'o tiha ona, hein de'it ita-nia sarani sira to'o mai, ita prontu atu fó seguransa, tantu sira-nia partisipasaun ida ne'e mós importante, hodi nune'e fó presta omesajen ba ita-nia Amu Bispu”, afirma nia.

Komandu mós alerta ona ba membru sira husi eskuadra to'o munisípiu atu fó seguránsa másimu iha oras 24 nia laran ba eventu ne'e. Alende ne'e, seguransa ba movimentu transporte nian, PNTL kontinua asegura no normaliza movimentu husi Lospalos, Postu Administrativu Kelikai, Baguia no Laga atu ba Dili no mai Munisípiu Baukau rasik kontinua la'o nafatin. (*)