Komando Polísia Nasionál Timor-Leste (PNTL) Munisípiu Baukau sei fó segúransa masimu ba igréja semitériu ne'ebé iha aréa júridiku baukau nian.
Komadante Komandu PNTL Munisípiu Baukau, Superintendente Xefe Armando Monteiro informa, preparasaun loron finadu ne'ebé sei monu iha loron 1 no 2 iha fulan novembru tinan 2021, simu ona diretivas husi Komandu Jerál PNTL nian.
Husi diretivas ne'e, komandu hatún ona ba komadante PNTL eskuádra sira iha Munisípiu Baukau hodi elabóra plánu, no aprejenta ona ba Komadante Munisípiu sei fó seguránsa masimu.
"Ita nia PNTL sei seguransa ba ita nia igréja no semitériu iha aréa júridiku Baukau laran tomak".dehan Komadante Armando Monteiro iha kna'ar fatin, kinta (21/10).
Tanba, preparasaun seguránsa iha loron finadu ne'e, halo ona reuniaun nivél regionál iha loron 4 fulan-Outubru tinan 2021 hodi involve mós komadante eskuádra, xefe seksaun sira oinsa bele formula plánu atu garante liu tan komunidade nia viagem husi kapitál mai Munisípiu, husi uma ba igréja no husi igréja ba semitériu.
"Seguránsa permanente iha kada semitériu, tantu mós patroliamentu tatika forsa tarefa konjuntu oinsa atu bele haree mós asuntu balun ne'ebé ligadu ho movimentu komunidade ba semitériu", nia dehan
Komadante hatete, fatin ne'ebé deskonfia risku konflitu, estratejia PNTL nian sei halo identifikasaun atu fó seguransa masimu. (*)