PM ‘Kaptura’ Ona Membru Foun F-FDTL Halai Husi Metinaru

Kadetes foun sira ne’ebé preparadu atu ba tuir treinamentu iha sentru Formasaun Metinaro, momentu balun liuba. Kadetes foun sira ne’ebé preparadu atu ba tuir treinamentu iha sentru Formasaun Metinaro, momentu balun liuba. Foto Tempo Timor

Tempotimor (Dili)-Falintil-Forsa Defeza Timor-Leste (F-FDTL) liuhusi Polísia Militar (PM) dadaun ne’e kaptura ona membru foun ne’ebé halai sai husi sentru treinamentu no formasaun militar Metinaru.

"Ohin madruga, kuarta (20/10) membru rekrutamentu foun F-FDTL ida halai sai husi markas no halai mai uma maibé dadaun Polisía Militar kaptura ona iha Quartel Polísia Militar”, informa Fonte ne’ebé besik liu iha Autoridade balun ba www.tempotimor.com, kuarta (20/10).

Membru foun ne’ebé halai sai seidauk bele fó sai nia identidade kompletu no husi Munisípiu, maibé hela fatin iha Suku Bekora, Postu Cristo Rei, Munisípiu Dili.

Tuir informasaun ne’ebé fonte esplika katak, membru foun ne’e halai sai la'ós foin primeira vez mais antes ne'e koko atu halai sai maibé la konsege. 

Maibé, Vise Xefe Estadu Falintil-Forsa Defeza Timor-Leste (F-FDTL), Major-Jenerál, Domingos Raul (Falur Rate Laek) hatete, membru foun F-FDTL na'in-1 halai subar iha Sentru Formasaun Metinaru tanba la aguenta ho instrusaun treinamentu.

"Ida ohin halai sai tan, halai sai tanba la aguenta instrusaun ne'ebé halai lakon ba subar iha ne'ebé, agora imi deteta karik ajuda fó informasaun para ba kaer tiha prosesu ba públiku, para ita transparente liután”, dehan nia hafoin sorumutu ho PR Lú Olo iha Palásiu Prezidente Bairopite, kuarta (20/10).

Ho situasaun iha militar tenke kolen, maibé joven balun fraku la aguenta ho treinu tenke mosu problema sira hanesan ne'e. (*)

Rate this item
(4 votes)
Last modified on Wednesday, 20 October 2021 18:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter