Print this page

PNTL Propoin Rekrutamentu Membru Foun ba Governu

By October 07, 2021 2964
Komandante Jerál Polisía Nasionál Timor-Leste (PNTL), Komisáriu Faustino da Costa. Komandante Jerál Polisía Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polisía Nasionál Timor-Leste (PNTL), Komisáriu Faustino da Costa hatete, sira propoin ba Governu atu halo rekrutamentu ba membru foun hodi reforsa seguransa iha Fronmteira, tanba durante ne’e postu sira menus rekursu.

“Rekursu iha fronteira ne'e hanesan situasaun ida los duni katak, ita halo komparasaun karik postu ne'ebé ita tau ne'e balun tun liu mak iha na'in-2 tanba ida ne'e mak, ami buka husi munisípiu hodi reforsa no ida seluk mak ami propoin rekrutamentu iha tinan sira tuir mai”, dehan Faustino hafoin enkontru ho PR Lú Olo iha Palásiu Prezidénsial Bairopite, kinta (07/10).

Kona-ba konstrusaun postu, Governu mak iha orsamentu 2021 atubele konstrui postu foun hamutuk 7 no agora prosesu sira ne'e la'o hela maibé  tanba iha situasaun pamdamia Covid-19, mak parseiru dezenvolvimentu apoiu konstrui postu temporáriu balun no postu sira ne'e hotu la inklui ida ne'ebé ejiste no permanente hamutuk iha 24 postu.

 “24 postu ne'e mai husi fundu Covid-19 nomós husi parseiru sira”, informa nia.

Relasiona ho proseu membru Unidade Polísia Fronteira (UPF) ne'ebé fasilta ema hakat ilegál iha fornteira, prosesu la'o hela no seidauk bele fó sai ba públiku. (*)

Rate this item
(1 Vote)
Last modified on Thursday, 07 October 2021 22:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items