Login to your account

Username *
Password *
Remember Me

UPM Sei Monta Postu Lima Kontrola Transasaun Ilegál

Unidade Polisia Maritima Lesidere-Dili. Unidade Polisia Maritima Lesidere-Dili. Foto Tempo Timor

Tempotimor (Dili)-Polísia Nasionál Timor-Leste (UPM), liuhusi Unidade Polísia Marítima (UPM) planeia sei instala postu seguransa hamutuk lima (5) iha área tasi-ibun (kosteira) hodi halo kontrolu ba transasaun sasán ilegál.

“Ita sei iha tan planu, atu estabelese futuru 2022, iha tan planu atu estabelese tan postu. Ne'e iha ne'ebé, 1 iha Loré parte Lospalos, 1 fali iha Beakou parte Vikeké, 1 fali iha Betanu parte Manufahi, 1 iha Citrana parte Oekussi, ikus liu mai iha Kairavela parte Vemasse Baukau nian”, deklara Komandante UPM, Superintendente, Basílio de Jesus, iha kna'ar fatin Lesidere, kinta (07/10).

Tanba Postu Seguransa ba UPM hamutuk 10 ne'ebé antes ne'e instala ona, seidauk sufisiénte atu kontrola rikusoin sira iha tasi laran, nune'e mós ho sidadaun sira ne'ebé halo peska ho ilegál.

“Ne'e mak ohin dehan seidauk sufisiénte. Sé ita dehan tasi Timor-Leste ne'e mak 15,410 kilómetru kuadradu, siknifika tasi ne'e luan liu terestre. Agora, oinsá mak atubele halo prevensaun nomós asegura di'ak tasi sira ohin ha'u temi iha leten, entaun postu ne'e seidauk sufisiénte. Tan ne'e mak iha planu 2022 ba 2023, ita aumenta tan iha postu sira ohin ha'u temi”, haktenik nia.

Maibé ba postu seguransa ba UPM iha liña fronteira sira hamutuk 10 ne'e mak hanesan, Com-Lospalos (1), Ataúro (2), Dili ka nasionál (1), Aportil Dili (1), Likisá (1), Loes (1), Atabae (1), Beakou-Vikeké (1), Oekussi (1), no Munisípiu Covalima iha postu rua, Suai Mota-masin (1), nomós Suailoro (1).

"Iha futuru 2022 ita planu atu estabelese postu iha fatin sira ne'e hotu, ho nune'e bele halo ona prevensaun e seguransa másimu ba kosteira tasi Timor-Leste mak ho nia luan kuaze 15,410 kilómetru kuadradu, tasi Timor-Leste. Ne'e ita esperansa katak 2022 to'o 2023 ita bele koloka ona postu sira ne'e, ho nune'e bele halo ona prevensaun másimu ba atividade ilegál ida ne'ebé mak sempre uza tasi hanesan fatin transasaun illegal”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter