"Sei Inan-aman  iha li'ur (estranjeiru) la bele tama, ema la senseriu la bele tama ida de'it, onestidade, senseridade lealdade, se o dehan katak ha'u naokten, naokten duni la bele o mai dehan la na’okten depois ema deskobre fali katak o naokten, ne'e mak kona-ba sinseridade ne'e", dehan Xefe Estadu Maior Jenerál F-FDTL, Tenente Jenerál Lere Anan Timur hafoin sorumutu ho Prezidente Repúblika, Francisco Guterres 'Lú Olo' iha palásiu prezidensiál Bairopite, kuarta (06/10).

Tanba Militár la'ós kualker ema hanesan ema Timoroan ne'ebé hanoin kualker ema bele ba militar, maibé la’e, ema tenke sukat nia patriotizmu, sukat nasionalizmu kuandu patriotizmu iha ona, sinseridae no onestidade mós  iha ona. 

"La'ós sira envolve arte marsiál mas dalaruma nia la hatete loloos ha'u PSHT, ha'u KORK, ka arte marsiál sira seluk, porque uluk ha’u hatete, ba sira katak momentu ida agora ba oin ne'e, imi instituisaun nia ema la'ós polítika ninia ema, la'ós arte marsiál nian, imi úniku forsa ninia ema”, afirma Lere.

Enkuantu membru foun na'in-2 ne'e sai tanba laiha sinseridade hanesan mós sira seluk no agora membru foun F-FDTL hamutuk 600 ne'ebá mós abanbairua ema sei akompaña nafatin. (*)