Login to your account

Username *
Password *
Remember Me

Brigadeiru Coliati Dezafia Membru F-FDTL Hatudu Postura Militár

Tempotimor (Dili)-XefE Estadu Maior Falintil-Forsa Defeza Timor-Leste (F-FDTL), Bigadeiro Jenerál Calisto Santos ‘Coliati’, dezafia nia membru sira tenke hatudu postura hanesan ema militár.

“Imi tenke hatudu imi-nia postura hanesan militár. Militár, komesa husi ulun to'o iha ain. Labele militár ne'e komesa husi ain, mai to'o kakorok de'it. Uluk fatuk ne'e sívil. Kuandu hatais ona farda, uniforme katak, komesa husi ulun to'o iha ain”, dehan Brigadeiru Jenerál Coliati, iha kuartel Polísia Militar, Kintál boot, segunda (04/10).

Tanba atu fó seguransa ne'e la'ós de'it ba militar, maibé halo mós seguransa ba autoridade polítiku sira iha rai laran, nomós rai liur.

Bainhira hahú rekrutamentu militát iha Aileu, hafoin funu remata, sira mesak katuas de'it, maibé iha ne’ebá instrutór husi Portugeza sira,  laharee fali ba ema ne'e katuas ka, nia foinsa'e ka, atu komandante fali iha ai-laran mós nia lahatene.

“Nia hatene katak instruentu. Dixiplina ba ema hotu. Iha ne'eba, ha'u iha terseiru pelutaun ho ha’u-nia katuas Sabika. Mais ami lubuk ida ne'e, ida hán kastigu barak mak ha'u, tanba de’it buat ida haluha Xapeo ne'e. Dala-ruma ko’alia rega malu-rega malu, hakat sai ba liur ne'ebá, xapeo la tau ulun. Mala’e dehan 20 para baixo. Entaun, pasiénsia tenke iha 20 para baixo. Matebian Ular, sa'e rai-lolon dala-ruma sa'e rai-lolon fumadór, dala-ruma hanoin kona-ba sigaru, haluha tiha xapeo, depois mala’e dehan 20 para baixo. Katuas matebian Ular hatete halo nusá, ha'u ne'e katuas ona, mala’e mutin uluk sama tiha ona ha'u, agora ukun-an, mala’e mai sama tan dala-ida. Ne'e tanba saida, nia hanorin dixiplina ba ita”, haktuir nia.

Tanba ne'e, enkoraja membru sira hotu, atu konsidera no tau importánsia ba dixiplina, maibé militár sira ne'ebé mak la uza farda, tenke prosesa tuir Regulamentu Dixiplinar Militár (RDM), tanba indixiplinadu.

"Purtantu, iha RDM ne'ebá, ne'e atu ita bele padroniza, uniformiza ita-nia prosedimentu, ita-nia dixiplina hanesan militár", dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter