Login to your account

Username *
Password *
Remember Me

Xina sei Konstrui Sela Detensaun Haat ba PNTL Dili

Komandante PNTL Munisipiu Dili, Superintendente Henrique da Costa. Komandante PNTL Munisipiu Dili, Superintendente Henrique da Costa. Foto Suplay

Tempotimor (Dili)-Governu Xina liuhusi Embaixada iha Timor-Leste, sei konstrui sela detensaun hamutuk haat ba Komandu Polísia Nasionál Timor-Leste (PNTL) Dili, tanba durante ne'e kondisaun sela la sufisiénte.

“Horisehik (30/09), ita asiste kontratu ida ne'ebé mak husi embaixada Xina, ho kompaña ida husi Xina ninian, mai servisu iha Dili laran, mak prontu atu halo konstrusaun ba sela detensaun iha komandu Munisípiu Dili ninian. Ita hatene, sela detensaun iha Dili ne'e, kloot liu, e bainhira ita hetan ka kaptura suspeitu barak, difísil ba ita atu koloka”, Komandante PNTL Munisipiu Dili, Superintendente Henrique da Costa, iha Komandu Munispiu Dili, Kaikoli, sesta (01/10).

Tuir kontratu, kompaña Xineza ne'e sei konstrui tan kuartu hamutuk haat (4), ho medida 4x9 ba kada kuartu.

Tanba iha fulan hira ba kotuk, bainhira PNTL Munisípiu Dili kaptura sidadaun sira hamutuk ema na’in-100-resin iha área Manleuana nian, transporte ba Sela Kaikoli hodi halo detensaun, maibé, fatin la sufisiénte.

Nune'e mós, durante ne'e iha sidadaun barak ona mak PNTL kaptura, tanba viola regra Serka Sanitária (SS) ho konfinamentu Obrigatóriu (KO), maibé ikus mai haruka fila ba uma, tanba kondisaun sela ne'ebé kloot.

"Ita husu ajuda ba embaixada Xina, e sira ajuda ona hodi halo konstrusaun ba ita-nia Sela Detensaun”, dehan nia.

Kona-ba valór orsamentu konstrusaun Sela Detensaun haat, Komandu Dili laiha koñesimentu, tanba embaixada Xina ho kompaña mak halo koordenasaun ba malu, no PNTL Dili hein simu rezultadu.

“Ida ne'e konserteza ba PNTL ita simu, gratuitu. Maibé, entre embaixada ho kompaña, selu ka la selu, ne'e ita lahatene”, dehan nia.

Kompaña sira mós promete sei entrega edifisiu ba PNTL Munisipiu Dili hodi bele utiliza iha fulan-dezembru nia laran. (*)

Rate this item
(0 votes)
Last modified on Friday, 01 October 2021 16:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter