Print this page

Governu TL Presiza Fortifika Koordenasaun Prosesu Adezaun ba ASEAN

By September 30, 2021 705
Diretór Ezekutivu Fundasaun Mahein (FM), João Almeida. Diretór Ezekutivu Fundasaun Mahein (FM), João Almeida. Foto Suplay

Tempotimor (Díli)-Fundasaun Mahein (FM) rekomenda Governu Timor-Leste (TL) liuhusi Ministériu Negósiu Estranjeiru no Kooperasaun tenke fortifika liña koordenasaun interministeriál no intensifika asaun koletiva iha prosesu adezaun Timor-Leste (TL) ba Association of Southeast Asian Nations (ASEAN).

“Rekomenda ba Ministériu Negosiu Estranjeiru no Kooperasaun fortifika liña koordenasaun interministeriál no intensifika asaun koletiva iha prosesu adezaun ba ASEAN. Koodenasaun ida ho intensivu hodi dezenvolve prespetiva hanesan Timor-Leste nia adezaun ba ASEAN", hatete Diretór Ezekutivu FM, João Almeida, iha lansamentu relatóriu ho tópiku ‘Adezaun Timor-Leste ba ASEAN Dezafiu, Oportunidade no Implikasaun Seguransa” ne'ebé www.tempotimor.com asesu iha pájina Ofisiál Fundasaun Mahein, kinta (30/09).

Antes lansa relatóriu ne'e prosesu ne'ebé Fundasaun Mahein halo mak hanesan, peskiza liuhusi revizaun ba literatura sira ka husi relatóriu ofisiál sira Estadu nian, peskiza no akadémiku, nomós informasaun sira husi mídia ho diskusaun públiku sira ne’ebé ligadu ho adezaun Timor-Leste nia ba ASEAN husi prespetiva oioin, Governu no Sosiedade Sivíl sira.

Aleinde ne'e hodi enkorpora prespetiva diferente hodi dezenvolve peskiza ne’e inklui intervista ba ofisiais Governu nian, observadór nasionál sira no Sosiedade Sivíl.

Nune’e konklui relatóriu ida ne’e liuhusi metodu ne’ebé Fundasaun Mahein (FM) adopta mak Security Sector Discussion (SSD) iha ne’ebé envolve peskizadór sira husi FM rasik no parte interesadu sira.

Iha ne’e rekomenda mós ba Governu, atu loke diskusaun nasionál define prioridade sira atu elabora nia polítika esterna no polítika seguransa nasionál, hanesan Ministériu Negósiu Estranjeiru, Ministériu Defeza, Ministériu Interiór, ho Parlamentu Nasional nia koordenasaun. (*)

Rate this item
(0 votes)
Last modified on Thursday, 30 September 2021 17:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items