"La'ós ba kadetes foun de'it ba forsa armadas tomak iha prekupasaun ne'ebé ha'u aprezenta ba Prezidente, ne'e mak kondisaun meius ba forsa armada liliu transporte, infraestrutura, ba komponente Navál presiza no seguransa fronteira marítima ninian”, dehan Lere hafoin sorumutu ho PR Lú Olo iha Palásiu Prezidensiál, Bairopite, kuarta (29/09).
Tanba parte infraestrutura ba komponente Navál hanesan ponte kais, tanba iha fulan-jullu 2023 Ró Austrália to'o ona iha Timor-Leste.
"Até agora seidauk book ne'e mak Ministru Defeza tenta apresa lalais ho orsamentu iha ona ba Portu Hera atu hanesan ne'e, bele simu ró rua husi Austrália ne'ebé sei to'o iha 2023 Juni ou Jullu", hatete nia.
Enkuantu, preokupasaun hirak ne'e prezidente tenke hato'o fali ba Primeiru Ministru tanba prezidente la bele deside, tanba orsamentu 2022 mós besik ona agora Ministru Defeza mak tenke defende orsamentu ne'e, presiza saida-saida.
"Hanesan baibain ha'u dehan katak, to'o ona tempu ba forsa armada ne'e sai profesionál, forsa armada tenke dezenvolvidu, profesionál dezenvolvidu ne'e presiza kondisaun, presiza meius hothotu atubele kumpri ida-idak nia misaun”, afirma Lere. (*)
