"Ami (Jerasaun Martiris no Antigos Conbatentes da Libertasaun Nasional sira husi "Kaixa Komando 05, Hudi Laran, Manleuana, Dili), nia observasaun no haree ba sitausaun realiadade ne’ebé mak akontese iha prosesu Rekrutamentu iha Komisaun ladun fó imparsialidade ba Joventude sira ne’ebé mak kompete iha prosesu Rekrutamentu Membru foun F-FDIL nan ne'e”, dehan portavós Julio da Silva Sarmento liuhosi komferensia inprensa iha Jardin 5 de maio, segunda (27/9).

Tanba ne'e Jerasaun Martire no Antigu Konbatente Libertasaun Nasional (JMAKLN) husi "Kaixa Komando 03, hakarak hato'o ba Xefe Estadu Maiór Jenerál FALINTIL Forsa Defeza Timor-Leste (F-FDTL), Tenente Jenerál Lere Anan Timur katak, Timor-Leste hanesan nasaun independete ida ne’ebé hamri'ik husi luta naruk eroi no funu na’in sira-nia dedikasaun, atu asegura nasaun husi intimidasaun iha prátika sosiàl ne’ebé bele fó imparsialidade iha prosesu rekrutamentu, no F-FDTL sai hanesan vanguarda no lutu nasaun nian tuir Konstituisaun Repúblika haruka.

Iha Deklarasaun Prezidente Komisaun Rekrutamentu membru foun F-FDTL tinan 2021, Brigadeiru Jenerál, Calisto Santos Coliati' hatete, F-FDTL la'ós kampu traballu, maibé ne'e fatin atu servi povu no nasaun hodi kontinua prosesu ida ne’ebé aswain FALINTIL sira hala'o durante tinan 24 hodi liberta rai ne'e.

Nune'e, iha tinan 2021 F-FDTL loke ona rekrutamentu foun ba Juventude feto no mane atu kompete liuhusi pakote rua (2) hanesan rejimr Espesiál ba veteranu no kombatente nia oan ka família no rejime jerál ba públika, ne'ebé tuir kritéria sei fó liu oprtunidade espesialmente ba veteranu no kombatente nia jerasaun hodi kandidata tuir rejimentu internál ne’ebé estabelese iha komisaun rekrutamentu.

Maibé, Jerasaun Martiris no Antigos Conbatentes da Libertasaun Nasional husi "Kaixa Komando 05, Hudi Laran no Manleuana, observa no haree ba situasaun ne'ebe akontese iha prosesu Rekrutamentu Komisaun ladun iha imparsialidade ba Joventude sira ne’ebé mak kompete iha prosesu Rekrutamentu Membru foun F-FDIL.

"Tamba ne'e ami hakarak husu ba responsabilidade prezidente Komisaun kekrutamentu Membru foun F-FDTL tinan 2021, Brigadeiru Jenerál, Calisto Santos Coliati' atu klarifika no justifika ba publiku kona-ba prosesu Rekrutamentu membru loun F-FDTL tinan 2021”, dehan nia.

Nu’udar Jerasaun ne’ebé hatutan Martire no Antigos Conbatentes da Libertasaun Nasional sira husi "Kaixa Komando 03, husu imediatu ba Komisaun atu Klarifika no Justifika prosesu Rekrutamentu ba publika ho sitema ka kritéria Rekrutamente nian.

Husu ba Komisaun atu fó esplikasaun ida profundu kona-ba Rejime Espesial no Rejime Jerál, tanba Kandidatura husi Rejime Espesial ne’ebé la passa iha prosesu Rekrutamentu.

"Rezultadu Kandidatura Membru foun F-FDTL tinan 2021 ne’ebé publika iha dia 15 Setembru 2021 tuir ami-nia haree "La hatudu balansu tuir Sitema no Kriteria Rekrutamentu", tanba Kandidatura Membru foun F-FDTL tinan 2021 maiória husi Munisípiu balun mak okupa”, esplika nia.

Rekomenda ba Komisaun Kandidatura Membru foun F-FDTL tinan 2021, atu hatudu profisionalidade, imparsialidade no integridade institusional ne’ebé reprezenta Povu no Nasaun.

Tanba haesan jerasaun foun la konkorda ho "sistema Familiarizmu" ne’ebé Komisaun komete hodi elimina Kandidatura husi Jerasaun Martiris no Antigus Konbatentes da Libertasaun Nasional oan sira. (*)