Print this page

Lere Seidauk Elimina Kandidatu Membru Foun F-FDTL

By September 23, 2021 3082
Xefe Estadu Maior das Falintil-Forsa Defeza Timor-Leste (F-FDTL), Tanente Jenerál Lere Anan Timur. Xefe Estadu Maior das Falintil-Forsa Defeza Timor-Leste (F-FDTL), Tanente Jenerál Lere Anan Timur. Foto Suplay

Tempotimor (Dili)-Xefe Estadu Maior das Falintil-Forsa Defeza Timor-Leste (F-FDTL), Tanente Jenerál Lere Anan Timur hatete, nia parte seidauk deside hodi elimina kandidatu membru foun F-FDTL ne'ebé rekrutadu, tanba seidauk pronunsia deklarasaun ruma ba públiku.

“Ha'u kuandu seidauk ko’alia buat ida, ema ida seidauk eliminadu, só ha'u mak bele eleminadu ema, ha'u mak autoriza, iha ne'e militár kadeia Komandu ne'e úniku ha'u mak komandu, tanba ne'e sira bele komentáriu ka bele ko’alia elimina na'in-3 ka na'in-4 enkuantu ha'u seiduak deside siknifika seidauk eleminadu", hatete Lere Anan Timur, iha Kuartel Jenerál, Fatuhada-Dili, kinta (23/09).

To'o oras ne'e seidauk deside atu elimina ema ruma, tanba ne'e komisaun sira-nia servisu mós seidauk hato'o buat ruma ba nia tanba iha  loron 27 fulan-setembru sei iha tempu mak sei hato'o ba, katak ida ne'e nune'e, avansa ka oinsá, hafoin mak bele deside.

Antes atu tama ba rekrutamentu ne'e iha termus balun ne'ebé mak rigorózu nu'udár lutu ba nasaun primeiru tenke lealidade seriedade, segundu mak tenke patriotízmu nasionalízmu, tanba tama militát tenke serve nia rain, no serve mós nia estadu.

“Tanba komprimísiu ida ne'ebé mak ita tama ba vida militár, termu ida mak ema ida labele haluhan, ha'u prontu fó-an hanesan fó ha'u-nia vida. Kerdijer nasaun nia destinu ne'e boot liu fali ó nia vida tanba ne'e mak ha'u hanoin katak presiza lealidade, presiza nasionalízmu patriotízmu ida ne'ebé forte", dehan nia.

Nune'e ema ida-idak bele komprende nia dever no obrigasaun lutu ba nasaun, tanba ne'e atu elimina ema ruma nia mak deside la'ós ema mak deside.

Maibé kona-ba rekrutamentu labele para, no sei kontinua rekruta enkuantu seidauk to'o númeru autoriza husi Governu, no efetivu ba forsa armada tanba minimu tenke to'o ema rihun-5 (5 mill) no másimu rihun-7 (7 mill). 

Enkuantu, iha loron kuarta (22/09), ekipa komisaun liuhusi tékniku komisaun rekrutamentu tinan 2021, Kapitaun Infantária, Rui Soares, deklara hodi elimina ona kadete foun hamutuk na’in-tolu, tanba ida la aprezenta-an tuir loron no oras, ida seluk deskonfia envolve iha grupu arte marsiál balu, no ida seluk deskonfia inan-aman sei iha nasaun Indonézia. (*)

Rate this item
(0 votes)
Last modified on Friday, 24 September 2021 11:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items