Login to your account

Username *
Password *
Remember Me

Komandu F-FDTL 'Hasai' Kandidatu Envolve iha GAM

Tékniku Komisaun Rekrutamentu 2021, Kapitaun Infantaria, Rui Soares, konversa hela ho kadete foun husi Munisípiu Likisá ne'ebé deskonfia envolve iha GAM, iha kuartel jenerál Fatuhada, Dili, kuarta (23/09). Tékniku Komisaun Rekrutamentu 2021, Kapitaun Infantaria, Rui Soares, konversa hela ho kadete foun husi Munisípiu Likisá ne'ebé deskonfia envolve iha GAM, iha kuartel jenerál Fatuhada, Dili, kuarta (23/09). Foto Tempo Timor

Tempotimor (Dili)-Komandu Falintil-Forsa Defeza Timor-Leste (F-FDTL) liuhusi komisaun rekrutamentu expulsa (hasai) kandidatu ida ho inisiál JMdS husi Suku Dato, Munisípiu Likisá, tanba envolve iha Grupu Arte Marsiál (GAM).

Kandidatu foun ne'e, komisaun rekrutamentu deside halo demisaun, bainhira halo aprezentasaun-an ba komandu Falintil-FDTL, iha kampu futsal, kuartel jenerál Fatuhada, Dili.

"Ida ohin mete artes marsiál, mais la deklara-an. Nunka deklara iha formuláriu dehan nia ne'e envolve iha arte marsiál. Ami konsisténte buat ne'ebé ami hatete. Onestidade importante. Sé ó envolve iha arte marsiál o tenke ser hatete. O deklara aan ne'e, não vale a pena. Ne'e point boot ida ba nia. Mais kuandu ó mete hela arte marsiál la deklara, hatudu mai katak sá, ó tama forsa mais oras ida ó fila, ó sei hadomi nafatin ó nia organizasaun. Tama forsa para sivíl, la'ós tama forsa atu envolve fali arte marsiál. Ne'e forsa hakribi ba ida ne'e", hatete Tékniku Komisaun Rekrutamentu 2021, Kapitaun Infantária, Rui Soares, iha kuartel jenerál Fatuhada, Dili, kuarta (22/09).

Desizaun ne'e, Komandu Falintil-FDTL hasai, la'ós tanba hakribi ba organizasaun arte marsiál, maibé atu eduka membru sira servi de'it povu ho nasaun Timor-Leste.

"Ami nunka koondena ou hakribi organizasaun artes marsiál. Organizasaun di'ak, mais kuandu tama ona forsa, hakribi organizasaun, servi ba nasaun. Ne'e katak, ó tama kuandu ba kotuk, ó haree ó nia maun alin ne'e saida?. Akaba ba kotuk mais, ha'u mai kumpri lei no ordém, la inklina", afirma nia.

Komisaun rekrutamentu mós halo eliminasaun ba kandidatu ida husi Munisípiu Ermara, tanba la aprezenta-an tuir data ne'ebé anúnsia ona, inklui kadete João Pinto Araújo husi Munisípiu Dili nian ne'ebé deskonfia inan-aman sei hela iha Repúblika Indonézia (RI).

Entretantu, kadete foun sira ne'ebé iha loron 22 fulan-setembru,  aprezenta-an ba Komandu Falintil-FDTL, hamutuk na'in-239, ne'ebé mai husi Munisípiu Dili 48, Likisá 27, Ermera 53, Aileu 30, Bobonaru 17, Manatuto 21, no Baukau iha na'in-43.

Tuir oráriu, iha loron kinta (23/09) aban, kadete foun husi Munisípiu Manufahi, Vikeké, Lautein, Covalima, Rejiaun Administrativa EspesialOekussi Ambeno (RAEOA) sei aprezenta mós an ba komisaun rekrutamentu antes ba tuir treinamentu militar durante fulan 6 iha Centro Formaçăo e Terreno (CFT), Nicolau Lobato, iha Metinaru, Dili. (*)

Rate this item
(1 Vote)
Last modified on Thursday, 23 September 2021 08:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter