Taur Deklara Monta F-FDTL iha Fronteira Desizaun Úniku iha PR

Primeiru Ministru, Taur Matan Ruak. Primeiru Ministru, Taur Matan Ruak. Foto Suplay

Tempotimor (Dili)-Primeiru Ministru, Taur Matan Ruak deklara, planu monta FALINTIL-Forsa Defeza Timor-Leste (F-FDTL) iha fronteira desizaun úniku husi Prezidente Repúblika (PR), Francisco Guterres 'Lú Olo' hanesan komandante supremu.

Maske opiniaun husi públiku ne'ebé husu Prezidente Repúblika ho Primeiru Ministru atu husu opiniaun no ideia husi Prezidnete  Partidu CNRT, Kay Rala Xanana Gusmão, maibé sei prosesu hela, naturalmente sei rona opiniaun balun, maibé medida hotu ne'ebé Governu toma la bele viola konstitusaun no lei sira.

Maib’e intermuz polítiku nia kontribui atu rezolve problema la'ós kontribui aumenta problema, ida ne'e mak prisípiu orienta Governu ninia esforsu atu buka solusaun.

"Naturalmente tau forsa iha ne'ebá ultimu palavra ne'e só sua eselensia Prezidente Repúblika hanesan komandante supremu", dehan Taur hafoin sorumutu ho Prezidente Repúblika iha Residénsia, Farol, kinta (16/09).

Hoo Polísia Nasionál Timor-Leste (PNTL) liliu Unidade Polísia Fronteira (UPF) iha fronteira uluk propoin bainhira sei hanesan jenerál.

"Ha'u hanoin altura ona ba ita haree mudansa iha ne'ebá, ita reforsa malu, tanba ita-nia sistema defeza ne'e sistema integradu kooperativu, tanba ne'e importante tenke hametin atu evita krime organizadu, krime transionasionál, ne'e importante los", hatete nia.

Antes ne'e, Deputadu Bankada Frente Revolusionáriu Timor-Leste no Independente (FRETILIN), David Dias Ximenes "Mandati" hakarak, Prezidente Repúblika, Francisco Guterres ‘Lú Olo’, ho Primeiru Ministru, Taur Matan Ruak, rona idea husi Kay Rala Xanana Gusmão kona-ba prosesu monta F-FDTL iha fronteira rai maran entre Timor-Leste ho Indonézia.

"Buat sira nene'e los duni, (keamanan) fronteira, buat ida mais estranjeiru nian los, ne'e husi liur nian ne'e ita-nia F-FDTL, mais ita-nia situasaun ne'e, ita tenke estuda didi'ak, keta halo iha ne'eba provoka malu, buat ruma mosu iha ne'eba karik oinsá. loloos ne'e Primeiru Ministru, Prezidente sira, bolu mós maun Xanana, tur hamutuk ko’alia, para depois buat ne'e ita la'o loos", hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter