Login to your account

Username *
Password *
Remember Me

Kondisaun Servisu PNTL Ladi’ak, L-7 Promete Aprezenta iha PN

Vise Prezidente Komisaun B ba asuntu seguransa no defeza iha Parlamentu Nasionál (PN), Cornelio da Conceiçăo Gama ‘L-7'. Vise Prezidente Komisaun B ba asuntu seguransa no defeza iha Parlamentu Nasionál (PN), Cornelio da Conceiçăo Gama ‘L-7'. Foto Tempo Timor

Tempotimor (Dili)-Vise Prezidente Komisaun B ba asuntu seguransa no defeza iha Parlamentu Nasionál (PN), Cornelio da Conceiçăo Gama ‘L-7’, promete aprezenta kondisaun servisu Polísia Nasionál Timor-Leste (PNTL) ne’ebé ladi’ak iha plenária PN.

"Ohin (10/09) ha'u mai iha ne'e, partikularmente haree hanesan ajuda polísia oinsá atubele transforma polísia nia fatin sira ne'e halo di'ak. Maibé, ohin ha'u mai iha ne'e hanesan fó hanoin, aproveita hasai ida ne'e para aban bainrua resesu ne'e hotu ami tama fali serbisu, ami aprezenta iha Komisaun B atubele hadi'a didi'ak kondisaun polísia sira iha Dili laran”, hatete L-7 iha Komandu Munisípiu Dili, Kaikoli, sesta (10/09).

Iha vijita ne’ebé halo iha PNTL Munisípiu Dili, haree ba haris fatin, bainhira ema nasaun seluk mai halo vijita haree kondisaun ne’ebé hamoe RDTL, tanba polísia iha nasionál, maibé sintina, kadeira no livru fatin armariu ladi'ak hotu.

Kondisaun hirak ne’e, presiza hato’o iha plenária atu Governu bele hatene tau atensaun, tanba prinsipiu vijita ne’e atu haree, apoiu polísia sira, bainhira resesu hotu, aprezenta atu bele haree hadi'a kondisaun polísia sira-nia, iha servisu fatin ne'e.

Tanba iha ne’e, karreta, motorizada no servisu sira ne'e tenke reklama iha Komisaun B atu deputadu na'in-9 bele estuda, no análiza atu tama iha parlamentu ne'eba no diskute iha parlamentu atubele atende polísia nia fatin.l

Kona-ba problema UPF nian iha fronteira, iha tempu besik deputadu sira sei tun direta ba halo fiskalizasaun servisu ne'ebé membru sira hala'o iha liña fronteira, inklui rona mós difikuldade ne'ebé membru sira hasoru.

"Sira ko’alia kona-ba ida ne'e mós hanesan, azvezes deputadu balu mai aprezenta iha parlamentu, maibé buat sira ita ko’alia mais, ami Komisaun B ne'e tenke ba haree ho matan, haree apar tiha ami bele ko’alia. Agora, depois de resesu, atu tenke apar ida ne'e ami tenke perkore ba fronteira hotu", hatete nia.

Maibé konkorda atu monta membru F-FDTL iha fronteira, tanba ne’e tenke haree didi'ak atu iha relasaun ho Indonézia ho menus problema.

Maske problema iha fronteira, dala-ruma populasaun hosi sorin, ba foti fali sasan iha sorin. Maibé iha relasaun diplomásia ho Indonézia tenke hadi’a didi'ak atubele tuir regra. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter