"Iha altersaun ida ne'e mós ejize atu PNTL halo fiskalizasaun ba medida sira kuandu iha atividade ne'e mak halibur ema barak la kumpri regra prokolu saúde nian PNTL sira iha devér atu halo intervensaun iha atividade sira hodi husi para hirak ne'ebé mak halo atividade ne'e kumpri regra sira", dehan Fidelis iha Palásiu Governu, kinta (09/09).

Husi servisu PNTL sira ne'e atu kontrola sidadaun sira iha Munisípiu sira ne'ebé mak sai perigu iha tempu Covid-19 nian ne'e halo distansiamentu husi atividade saida de'it.

Antes ne'e, Komandante Operasaun Nasionál PNTL, Superintendente Xefe Pedro da Costa Belo, informasaun sei kontinua kumri orientasaun sira no halo identifikasaun ba sidadaun ne'ebé halibur malu.

"Kontinua la'o, agora orientasaun ne'e klaru kedas, tuir rezolusaun ne'ebé fó sai katak iha ne'ebá ne'e, ita hatene katak, iha mate uma, ema na'in sanulu de'it, labele liu ida ne'e. Kuandu liu ida ne'e, sira kontra ona regras, entaun presiza tenke halo identifikasaun ba sira ne'ebé mak hanesan ba halibur malu iha fatin ne'ebé maka rame", dehan nia.

Dadaun PNTL kontinua kumpri orden husi komandu jerál hodi kontrola sidadaun sira halibur malu, inklui halo autostop ba komunidade sira ne'ebé mak la uza máskara bainhira halo viajen. (*)