Login to your account

Username *
Password *
Remember Me

Komandante UPF Husu FONGTIL Labele Baralla Situasaun

Komandante UPF, Superintendente Polisia, Euclides da Costa Belo, ko'alia hela ba média sira iha Komandu Jerál PNTL, Kaikoli, kuarta (08/09). Komandante UPF, Superintendente Polisia, Euclides da Costa Belo, ko'alia hela ba média sira iha Komandu Jerál PNTL, Kaikoli, kuarta (08/09). Foto Tempo Timor

Tempotimor (Dili)-Polísia Nasionál Timor-Leste (PNTL) liuhusi Komandante Unidade Patrullamentu Fronteira (UPF), Superintendente Euclides da Costa Belo, husu ba Forum Organizasaun Naun Governamentál Timor-Leste (FONGTIL), atu bele fó sai informasaun lolos ba públiku hodi labele baralla situasaun iha rai laran.

Deklarasaun ne'e Komandante UPF ne’e hato’o, hodi hatán ba intervensaun Diretór Ezekutivu FONGTIL, Daniel Santos do Carmo, neebé dehan autoridade seguransa iha fronteira PNTL ho Falintil-Forsa Defeza Timor-Leste (F-FDTL) inkapasidade, tanba realidade ema kontinua hatama kilat (armas) ho Ilegál.

"Ami mós akompaña iha mídia sosiál, husi ONG FONGTIL hatete no lamenta kapasidade autoridade seguransa liliu PNTL, F-FDTL ne'ebé ladun iha kapasidade garante hodi arma ilegál kontinua tama iha Timor-Leste. Atu hatete katak, arma kilat-manu mak iha Suai, ita kaptura, prende tiha ona, agora prosesu ona. Tanba ne'e mak husu ba kolega sira ONG FONGTIL, labele baralla situasaun para bele implika, ba ita-nia komunidade sira ne'ebé mak hela iha fronteira", dehan Euides Belo, iha Komandu Jerál, Kaikoli, kuarta (08/09).

Tanba ne’e, husu ba Diretór FONGTIL atu ko’alia tuir saida mak haktuir iha nia kompeténsia ne'ebé hakerek nu'udár deskrisaun ba servisu rasik hodi kontribui informasaun pozitivu.

"Labele tau kanuru ba asuntu seguransa nian. Dala ida tan, ha'u husu para kna’ar saida mak ita halo ne'e, halo mak ita-nian. Labele tau kanuru ba seguransa nian. Sé ita timoroan tenke kontribui, fó informasaun pozitivu, labele fó informasaun ida ke atu baralla fali situasaun, labele", hatete Euclides.

Ho kilat ne'ebé UPF sira prende iha fronteira terrestre, la'ós tiru ema mate, tanba Kilat-manu (kilat-anin).

Bainhira públiku hakarak atubele hetan verdade katak kilat-manu ne'e bele oho ema ka la oho ema, maka nia rasik prontu bele uza sniper hodi tiru koko nia liman.

"Bele tiru ha'u-nia liman. Ha'u mate ka la’e?. Tanba ne'e mak ha'u fó hatete ba sira, ha'u esperiénsia kaer kilat ne'e ho 20 ital anus, ha'u kaer kilat. Tanba ne'e mak husu ba Diretór FONGTIL diretór de'it. Mais staff sira selseluk la’e. Diretór de'it, tenke hadi'a ninia intervensaun iha mídia sosiál”, haktenik nia.

Nune'e, nia mós husu ba Televizaun Grupu Média Nasional (GMN) atu tranzmite informasaun ruma ba públiku karik, tenke edita halo didi'ak, nune'e bele fó sai informasaun ne'ebé edukativu ba públiku.

"Husu mós ba mídia GMN, editór tenke haree didi'ak depois mak pasa informasaun. Tanba ami iha liña fronteira ne'e mak garante seguransa ba komunidade lubuk ida, husi Oekussi, liliu husi Sakato to'o Citrana, nune'e mós husi Mota-ain, to'o Mota-masin, para komunidade sira labele sente traumátiku ba informasaun ne'ebé mak Diretór ko’alia”, afirma nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter