Login to your account

Username *
Password *
Remember Me

IDN Propoin Millaun US$30 ba Edifísiu Foun

 Diretór Institutu Defeza Nasional (IDN), Comodoro Donaciano da Costa Gomes "Pedro Klamar Fuik". Diretór Institutu Defeza Nasional (IDN), Comodoro Donaciano da Costa Gomes "Pedro Klamar Fuik". Foto Tempo Timor

Tempotimor (Dili)-Institutu Defeza Nasionál (IDN) propoin orsamentu ho montante hamutuk millaun US$30, husi Orsamentu Jerál Estadu (OJE) tinan 2022, ba konstrusaun edifísiu foun IDN ne'ebé lansa ona iha Suku Liurai, Postu Aileiu Vila, Munisípiu Aileu.

"Governu nia apoiu ba inisiál de konstrusaun ba nova instalasaun Institutu Defeza Nasional ne'ebé mak sei transforma ba Institutu Universitáriu de Defeza Nasionál. Orsamentu ne'ebé mak alokadu ba tinan oin hamutuk US$30 milhões", informa Diretór Institutu Defeza Nasional (IDN), Comodoro Donaciano da Costa Gomes "Pedro Klamar Fuik", hafoin partisipa reuniaun KROP, iha Ministériu Finansas, Aitarak Laran, segunda (06/09).

Dezeñu detalladu ba projetu foun instalasaun difísiu IDN ne'e, aprova ona iha tinan 2018, maibé tanba ho razaun sira téknika nian no iha mós sirkunstansial balu COVID-19, mak la konsege implementa iha tinan 2021.

Iha alokasaun orsamentu dahuluk husi OJE 2021 nian ne'e, hamutuk millaun US$1 (1 millaun), maibé hafoin iha korte ida, ikus mai hela de'it rihun-atustolu (US$300 mill).

"US$300 mill ida ne'e mak utiliza ba reajustamentu ba estudu de viabilidade ne'ebé mak inisialmente halo ba Kaitehu, e transfere ba Aileu", dehan nia.

Rai ne'ebé atu instala edifísiu IDN, hamutuk ektare 47 ne'ebé mak komunidade husi Aileu, husi Suku 8 inkluzivamente Suku Liurai mak hanesan fatin ne'ebé instalasaun foun Institutu Defeza nian sei konstrui ba.

Tuir planu, edifísiu ba IDN ne'e rasik, iha futuru sei transforma ba Institutu Universitáriu ba Defeza Nasionál (IDN), ho mehi ida mak, hakarak atu fó formasaun sidadania, katak sidadaun hothotu presiza iha formasaun ida adekuada kona-ba sidadania, kona-ba patriotizmu, nasionalízmu, kona-ba nia direitu, dezenvolvimentu estadu ho nasaun nian ne'e oinsá, no kona-ba nia partisipasaun.

"Depois, hanoin mós katak, presiza forma líder, líder ba atu sustenta independénsia ne'ebé mak ita konkista ho 200 vida mate ne'e, ita presiza líder sira ne'ebé mak di'ak, líder ne'ebé mak iha formasaun adekuada iha kuadru de aliñamentu konspetual, dutrinária, e prinsipiu atu hanoin katak sai líder tenke orienta ba ema barak nia hakarak, ema barak nia di'ak", hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter