Login to your account

Username *
Password *
Remember Me

PNTL Rezeita Informasaun La Autoriza Sidadaun Vasina Sinovac Tama Ermera

Komandante Polísia Nasionál Timor Leste (PNTL) Munisípiu Ermera, Superintendente Ludgeryo Madeira Picancyo Lay. Komandante Polísia Nasionál Timor Leste (PNTL) Munisípiu Ermera, Superintendente Ludgeryo Madeira Picancyo Lay. Foto Suplay

Tempotimor (Díli)-Komandante Polísia Nasionál Timor Leste (PNTL) Munisípiu Ermera, Superintendente Ludgeryo Madeira Picancyo Lay, rezeita informasaun ne'ebé fó sai husi sidadaun ida katak, sidadaun ne'ebé simu Vasina Sinovac la hetan autorizasaun tama iha Munisípiu Ermera.

"Ha'u hanoin ne'e informasaun ne'e señora ne'e inventa de'it. Ne'e laloos bele bolu ema vendendór sira hotu ne'ebé fa'an modo sira ne'ebé mak simu Sinovac bele bolu sira ne'ebé uza AstraZeneca, no sira ne'ebé sosa sasán sira no husu to'ok ami impede ka la'e?. Ha'u hanoin laiha", deklara Ludgeryo ba www.tempotimor.com, kinta (02/09).

Antes halo lansamentu vasina iha Ermera ne'e mak sira mai fa'an sasán, momentu ne'e aplika konfinamentu iha Munisípiu Dili, Covalima no Suai.

"Rona informasaun dehan vasina iha Ermera mais nia sa'e mai mak ita-nia ema la hatán, tanba iha Ermera seidauk iha lansamentu ba Vasina tanba ida ne'e mak mak lori dokumentu autorizasaun de'it mak ha'u dehan la'e, ha'u dehan autorizasuan ne'ebé la kondíz ho situasaun iha ne'e la vale tanba ita seidauk simu informasaun husi komandu nomós Ministériu saúde iha momentu ne'ebá", esplika nia.

Antes ne'e Sidadaun Alzira Guterres, ba fa'an modo iha Munisípiu Ermera no hatudu ania karta komprovativu maibé parte seguransa sira iha Munisípiu Ermera fó informasaun katak simu vasina Sinovac ne'e la afetivu, nune'e Alzira deside simu tan vasina AstraZeneca.

"Agora ha'u vasina dala tolu ona Sinovac dalarua ona no AstraZeneca dala ida, ha'u ba Ermera sira polísia sira, mana ne'e dehan ida Sinovac ne'e la Sah (efetivu)", hatete Alzira.

Maibé dadaun ne'e pontu entrada ba Munisípiu Ermera, loke dalan ba sidadaun ne'ebé mak Vasina dalarua husi Vasina AstraZeneca no Sinovac inklui mós tau regra relasiona Covid-19 nian. (*)

Rate this item
(1 Vote)
Last modified on Thursday, 02 September 2021 21:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter