Login to your account

Username *
Password *
Remember Me

Durante Semana Rua, PNTL Rejista Sidadaun Na’in-153 Ilegál iha Fronteira

Sidadaun ne'ebé Polisía Repúblika Indonézia (POLRI) deporta fila iha fronteira Timor-Leste Batugade Mota-ain, momentu liuba. Sidadaun ne'ebé Polisía Repúblika Indonézia (POLRI) deporta fila iha fronteira Timor-Leste Batugade Mota-ain, momentu liuba. Foto Suplay

Tempotimor (Dili)-Polísia Nasionál Timor-Leste (PNTL) rejísta sidadaun timoroan hamutuk ema na'in-153 mak hakat ilegál husi fronteira terrestre entre nasaun Timor-Leste (TL) ho Repúblika Indonézia (RI), durante semana rua nia laran.

"Iha dia 14 Agostu to'o 31 Agostu ne'e nia laran, totál ema ne'ebé mak tama sai ilegál iha fronteira Bobonaru, Oekussi no Covalima, hamutuk 153 pesoál. Husi fronteira Bobonaru, 44 pesoál, fronteira Covalima iha 33 pesoál, transaksaun ilegál ema na'in-4, sa'e sintu, ema na'in-37. Deportasaun husi portaun entrada Batugade Mota-ain, hamutuk 76 pesoál. Ida ne'e iha data ne'ebé mak ohin ha'u hatete tiha ona", dehan Portavóz Komandu Jerál PNTL, Superintendente Arnaldo de Araújo, iha Kaikoli, tersa (31/08).

Sidadaun hirak ne'e, PNTL kaptura, liuhusi atividade operasaun konjunta entre Unidade Patrullamentu Fronteira (UPF), Companhia Operação Especial (COE), Batallaun Ordén Públika (BOP) hamutuk ho membru Falintil-Forsa Defeza Timor-Leste (F-FDTL), destakadu iha fronteira Munisípiu Covalima, Bobonaru no Oekussi.

Tuir prosesu normal iha tempu pandemia Covid-19, bainhira sidadaun sira tama ilegál husi fronteira, Komandu PNTL sei koordena ho parte Ministériu Saúde (MS) hodi izola lai sira iha kuaretena durante loron 14 nia laran, hafoin sei prosesu tuir prosedimentu legal ne'ebé mak Timor-Leste iha.

"Hanesan ohin ha'u hatete ona, katak imi hotu hatene, akompaña katak, prosesu depois de 14 dias kurantena, sei entrega ba Munisípiu ne'ebé mak sira hakat ba ne'e, sira sei halo prosesu hanesan lei ne'ebé mak vigora ona iha ita-nia rain, e sei enkamiña hotu ba iha ministériu públiku", esplika nia. (*)

Rate this item
(0 votes)
Last modified on Tuesday, 31 August 2021 19:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter