Akontesimentu ne'e, iha loron segundu (29/08) maizumenus tuku 17:00, oras lorokraik, tanba lia-fuan ne'ebé la han malu ikus mai hamosu problema entre família sira.

"Iha akontesimentu ne'e rezulta vítima ida kanek ho inisiál LP ne'ebé mak sira kronolójia ne'e sira Umane-Mane-foun, sira ataka malu, baku malu, tanba de'it lia-fuan la kona malu. Suspeitu mós oras ne'e iha hela prosesu investigasaun, e vítima na'in-rua ne'e lori ba Ospitál, e agora dadauk iha ona uma, hodi hein prosesu tuir mai", haktuir Portavóz Komandu Jerál PNTL, Superintendente Arnaldo de Araújo, iha Kaikoli, tersa (31/08).

Iha mós kazu insidente sira ne'ebé mosu hahú husi loro 14 to'o 31 fulan-Agostu 2021 ne'e, rejísta kazu hamutuk 30, kompostu husi asaltu malu 29, ahi-hán uma ida (1).

"Ba kazu asidente tráfegu, ne'ebé mak hahú iha loron 14 to'o 31 Agostu de 2021, hamutuk 26 kazu asidente. Mate 2, ida mane, no ida feto. Sira seluk ne'e kanek kama'an, balu mak todan, agora dadauk rekupera hotu ona sira-nia saúde, tanba halo ona tratamentu iha Ospitál", dehan Arnaldo. (*)