Timoroan Ilegál iha Fronteira, UPF-TNI Fó Ultimatu Semana Oin

Timoroan sira ne'ebé ilegál tama Atambua-Indonézia Autoridade Seguransa nasaun Indeonézia entrega ba Autoridade seguransa Timor-Leste iha Fronteira Batugade, loron hirak liubá. Timoroan sira ne'ebé ilegál tama Atambua-Indonézia Autoridade Seguransa nasaun Indeonézia entrega ba Autoridade seguransa Timor-Leste iha Fronteira Batugade, loron hirak liubá. Foto Suplay

Tempotimor (Batugade)-Polísia Nasionál Timor-Leste (PNTL), liuhusi Unidade Patrullamentu Fronteira (UPF) hamutuk ho Tentara Nasionál Indonézia (TNI) fó ona ultimatu ba sidadaun timoroan sira ne'ebé ilegál iha territóriu Indonézia nian, atu entrega-an ona iha loron kinta (26/08) semana oin.

Banihira sidadaun sira mak la tuir loron ne'ebé determina ona, mak autoridade seguransa ho defeza husi nasaun rua nian, sei la fó ona toleránsia.

“Purtantu, ohin (21/08) mós ha'u parsialmente ko'alia mós ho Dandim Belu, Tenente Koronel, Letkol Miki, para depois sira ne'ebé mak ilegalmente mak sei sirkula la'o hela iha ema nia nasaun ne'e, viola ema nia lei, viola mós Timor-Leste nia lei. Tanba ne'e mak Dandim fó hatene ba ha'u ona katak sira fó ona ultimatu ba sira timoroan ne'ebé maka ilegalmente sei iha ema nia nasaun ne'e, tantu iha Belu, tantu iha Munisípiu ou Kabupaten seluk to'o iha, provinsiia NTT (Nusa Tengara Timur) to'o iha Kupang, nune'e mós balu ne'ebé mak sei ilegalmente, maibé bele la'o liuhusi Illa Timor, liliu NTT, to'o Jawa sira, sira (Militár Indonézia) fó ona ultimatu para kinta semana oin ne'e sira tenke entrega-an hotu para bele deporta fila mai Timor-Leste", hatete Komandante UPF, Superintendente Polísia, Euclides da Costa Belo, iha servisu fatin fronteira Batugade, sábadu (21/08).

Tanba ne'e, timoran sira ne'ebé mak sei iha ema nia nasaun, di'ak liu akompaña iha mídia entrega-an lalais ba autoridade seguransa, atu nune'e autoridade seguranssa Indonézia no forsa defeza Indonézia nian bele entrega formalmente liuhusi Portaun ida de'it, Portaun Mota-ain (Covalima) no Mota-masin (Maliana), nomós bele entrega-an ba Portaun legal ne'ebé mak iha Oekussi nian.

“Liu tiha kinta-feira (26/08) ba oin, ne'e parte TNI, parte seguransa sei laiha eskapa (laiha toleránsia) ba ida ne'e. Ho ida ne'e, ami sei serbisu hamutuk nafatin, koordenada informalmente ho autoridade seguransa Indonézia liuhusi komunikasaun ne'ebé maka ami lansa ona para bele servisu hamutuk nafatin”, afirma nia.

Tuir dadus, sidadaun timoroan sira ne'ebé hakat illegál husi fronteira terrestre ba rai Indonézia, hafoin autoridade seguransa Indonézia kaptura no deporta mai Timor-Leste liuhusi odamatan formal Batugade, totál hamutuk ona ema na'in-629. (*)

Rate this item
(1 Vote)
Last modified on Sunday, 22 August 2021 11:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter