"Ha'u mós hakarak hato'o ba militar sira ne'ebé termina ona sira nia formasaun iha instituisaun sira iha estranjeira, mak ohin promove ba oficiais, e parabéns ba imi-nia esforsu no susesu iha serbisu. Husu mós ba membru sira ne’ebé hetan ona promosaun, atu presta imi-nia responsábilidade iha imi-nia atuasaun, la'ós de’it hanesan ema ofiasiais, maibé mós nu'udár individu atu iha responsável militar”, dehan Xefe Estadu Maior Jenerál Falintil-FDTL, Tenente Jenerál Lere Anan Timur, iha diskursu ba Aniversáriu Falintil dala-46 iha Kuartel Jenerál Fatuhada, sesta (20/08).
Falintil-FDTL nu'udár instituisaun ida ne'ebé sai liman kroat povu nian hodi asegura estábilidade defeza ba soberania nasionál, tenke tane aas nafatin espíritu luta Aswain sira-nian no hametin sentidu nasionalízmu no patritízmu hodi serví povu ho di'ak.
Membru sira ne'ebé hetan promosaun, hafoin remata kursu akadémia militár husi Xina, Japaun no Nova Zelándia ba Postu Alferes ka Sub tenente mak hanesan, Fernando da Costa Xavier, husi postu Primeiru Sarjentu ba Alferes, Aderito Da S. Seran, Julio Pedro Garcia, Graciano dos Santos Cruz, Elias D. C. D. A. Mantilo, husi Segundu Sarjentu ba Sarjentu Tenente, Izac Liu Tavares, Artur Machado D. Jesus, husi postu Segundu Sarjentu ba Alferes, Bernardino Freitas Vaz ho Charles Gomes de Deus, husi postu Soldadu ba Alferes.
Enkuantu, Filipe da Costa Freitas, Arzito Savio Teles, husi postu Primeiru Sarjentu ba Alferes, Mateus de Jesus da Costa Correia, husi postu Primeiru Sarjentu ba Sarjentu Tenente, Flaviano M. Mendonça, Grabrel Angelo no António Duarte Soares, husi postu Segundu Sarjentu ba Alferes, no Abelino Amaral, Maria Fatima Xavier, Shadana Bai B. S. V da Costa ho Marcelino da Costa Vicente, husi postu Soldadu ba Alferes.
Membru na'in 19 ne'e, kompostu husi komponente Naval, Komponente Apoiu Servisu, Komponente Terrestre, Komponente Formasaun no Terrenu, Polísia Militár, no Komponente Aéreo. (*)