Print this page

UPF Kaptura Sidadaun Na’in-21 Halo Atividade Ilegál

By August 19, 2021 1169
Komandante UPF, Superintendente Euclides da Costa Belo. Komandante UPF, Superintendente Euclides da Costa Belo. Foto Suplay

Tempotimor (Dili)-Komandu Polísia Nasionál Timor-Leste (PNTL), liuhusi Unidade Patrullamentu Fronteira (UPF) kaptuara sidadaun timoroan hamutuk ema na’in-21 ida iha Aldea Baer, Suku Beseuk, Postu Administrativu Tilomar, Munisípiu Covalima fronteira terestre entre Timor-Leste no Indonézia, tanba halo atividade negósiu ilegál.

“Horikalan iha meia noite, membru UPF Companhia Bravo, servisu koletivu kaptura ita-nia joven na'in-21 iha área mota laran ne’ebé halo transaksaun ilegál hodi transporta kuda hamutuk 13 ba nasaun viziñu liuhusi mota Baer iha Munisípiu Covalima”, informa Komandante UPF, Superintendente Euclides da Costa Belo, liuhusi karta komunikadu ne'ebé www.tempotimor.com asesa, kinta (19/08).

 Sidadaun sira ne’e uza karreta kamioneta Colt Diesel ida ho númeru matrikula A.50728 no agora daudaun PNTL halo ona medida hodi prosesa tuir prosedementu legál no kumpri protokolu husi ministériu saúde nian.

Tuir orientasaun Komandu Jerál PNTL nian membru UPF hothotu alerta no halo prevensaun másimu hodi garante liña fronteira sai fatin seguru ba ema hotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items