Print this page

MD Presiza Millaun US$90 ba Estudu Infraestrutura Portu Hera

Ministru Defeza (MD), Filomeno Paixão de Jesus. Ministru Defeza (MD), Filomeno Paixão de Jesus. Foto Suplay

Tempotimor (Díli)-Ministru Defeza (MD), Filomeno Paixão de Jesus hatete, ministériu presiza orsamentu millaun US$90 ba estudu infraestrutura Portu Navál Hera.

“10 milhões ne'e la to'o, estudu ne'e 90 milhões maibé tau oituan-oituan ne'ebé komforme diskusaun hela ne'ebé ita haree to'ok”, dehan Ministru Defeza Filomeno Paixão iha Palásiu Governu, kuarta (17/08).

Ho orsamentu millaun 90 ne’ebé propoin ba infraestrutura Portu Hera iha Zona A no Zona C, tanba iha Zona B konstrusaun hetan apoiu husi nasaun Austrália.

“Ne'e hanesan horibairua ha'u dehan ona ne'e ami-nia proposta ba infraestrutura ona estudu ne'e hamutuk 90 milhões maibé ami propoin uluk 10 milhões atu hahú iha tinan oin. Ida ko'alia ho Austrália ne'e ketak, Austrália mak ajuda ita sira ajuda de'it zona B ita atu halo ne'e ba zona A no zona C”, esplika nia.

Nune'e iha parte konstrusaun Ministru Defeza presiza uluk milliaun 10 hodi hahú halo konstrusaun ba Portu Hera iha tinan 2022, maibé sei hein iha prosesu diskusaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items