Austrália Sei Apoiu Ró Patrullamentu Marítima 2 ba F-FDTL

Embaixadór Australia mai TImor-Leste, Peter Roberts. Embaixadór Australia mai TImor-Leste, Peter Roberts. Foto Suplay

Tempotimor (Dili)-Governu Austrália promete sei apoiu ró patrullamentu rua (2) ba Falintil-Forsa Defeza Timor-Leste (FFDTL) atubele utiliza hodi halo kontrolu ba tasi Timor-Leste (TL).

“Tanba ne'e iha tinan 2017, Austrália ho TL konkorda kata Austrália sei fornese Ró patrulla rua ne'ebé foun ba Timor-Leste, no nia sei mai tinan oin (2022) mai. Ne'e ró foun no agora mak hari’i. Ró foun ne'e sei fornese ba Timor-Leste, e parte ida pakote ne'e, Austrália fó infraestrutura ne'ebé nesesidade atu uza ró rua ne'e ho didi’ak”, informa Embaixadór Australia mai TImor-Leste, Peter Roberts, hafoin asina akordu kooperasaun ba reabilitasaun Portu Navál, iha Kuartel Jenerál Fatuhada, sesta (13/08).

Ba apoiu hirak ne’e hanesan parte importante duni, tanba TL sei uza ba nia propriedade rasik hodi deside oinsá, tanba Austrália hanesan fornese de'it.

“Ha'u hakarak subliña, ró rua ne'e, Timor-Leste nia proriedade, Austrália fornese de'it, Timor-Leste mak deside oinsá uza, bainhira uza hodi kontrola. Maibé, Austrália hanesan parseria no rekoñese katak, depende ba malu hakarak suporta Timor-Leste iha área ne'e”, afirma nia.

Maibé, laiha koñesimentu detallu kona-ba orsamentu ne'ebé uza ba infraestrutura ne'e, tanba kooperasaun ne'e iha área defeza Governu rua nian, maske nune'e, Austrália nafatin iha kompromisu ba oin hodi ajuda téknikamente halo manutensaun ba ró hirak ne'e.

“Komitmentu ne'e naruk tanba ami rekoñese katak, bainhira fornese sasán hanesan ró, manutensaun mós importante. Entaun, agora F-FDTL, komponente Navál halo treinamentu atu mantein ró rua ne'e nomós Austrália prontu atu kontinua suporta manutensaun ró ne'e, tanba presiza no hakarak Timor-Leste iha abilidade atu uza ba tempu naruk, tinan barak. Komitmentu ne'e la'ós tinan ida nian de'it, ne'e komitmentu kontinua nafatin”, afirma nia.

Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál, Lere Anan Timur, agradese Governu Austrália, tanba bele apoiu insituisaun F-FDTL liliu iha komponente Navál Hera.

“Hanoin katak, loron ida ne'e, loron esepesiál ida ba instituisaun Forsa Defeza Timor-Leste. Dala-ida tan ha'u lori instituisaun nia naran, ha'u agradese ba Governu Austrália atravez husi señor embaixadór dala-ida tan, bele fó apoiu ba dezenvolvimentu forsas armadas Timor-Leste ninian, partikularmente komponente Navál”, hatete Lere.

Timor-Leste ninia tasi boot liu rai maran, no sira-nia kompromísiu internasionál, rejionál ho paizes viziñu liliu Indonézia ho Austrália mak tenke garante seguransa iha tasi laran ne'ebá.

“Ita hothotu hatene katak, ita-nia estadu Timor-Leste to'o ona ninia objetivu ba soberania nasionál e la'ós husi rai maran de'it, maibé foin dadauk mós hakotu fronteira marítima entre Timor-Leste ho Austrália, hanesan ho Indonézia ne'ebé seidauk resolve”, dehan nia.

Tanba ne’e apoiu ne'ebé Governu Australianu fó atubele kapasita forsas armadas Timor-Leste ninian, liliu komponente Navál, para bele implementa kompromísiu sira ne'ebé hatuur. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter