Tanba membru GAM ne'ebé kontinua viola fronteira, durante aplikasaun estadu emerjensia (EE), tanba bazeia ba jurmanetu líder grupu arte marsiál sira katak, membru GAM, ema ida sei la ba arbiru iha Indonézia maibé realidade kontinua viola.

"Grupu ne’ebé viola fronteira bebeik, dala-ida ou dala-rua, halo ilegaliza sira, ne'e tenke halo, se la’e ita hanesan halimar ho estadu”, hatete nia hafoin hala'o vizita kortezia ba Kompaña Gota iha Suku Fatuhada, kinta (12/08).

Dadaun, Covid-19 ho varienta delta tama iha Timor-Leste, tanba kontrola fronteira la di'ak, nune’e variente delta tama to’o iha munisípiu Ermera.

"Timoroan rasik maka dada Covid, ka delta tama ona iha ne'e, sira bele halo envolvimentu iha arte marsiál tama arbiru. E depois afinál kontrolu ladun di'ak, tanba ha’u rona husi Lere rasik, kuaze ema atus-7, bele garante ke Covid lubuk ida tama ho sira”, afirma nia.

Tanba ne'e, ejize ba governu no parlamentu, atu halo netik buat ruma, tanba Timor-Leste iha lei kontra violasaun fronteira, e la'ós de'it sira tama sai ne'e, maibé líder sira husi grupu ka arte marsiál sira mós tenke simu responsabilidade. (*)