Login to your account

Username *
Password *
Remember Me

PNTL Kaptura Fasilitadór Movimentu Ilegál Na'in-4 iha Fronteira

Membru Grupu Arte Marsiál (GAM) na’in-4 husi Aldeia Gole, Suku Deodet, Postu-Administrativu Lolotoe, Munisípiu Bobonaru, ne'ebé PNTL kaptura iha área Lebos, kinta (12/08). Membru Grupu Arte Marsiál (GAM) na’in-4 husi Aldeia Gole, Suku Deodet, Postu-Administrativu Lolotoe, Munisípiu Bobonaru, ne'ebé PNTL kaptura iha área Lebos, kinta (12/08). Foto Suplay

Tempotimor (Dili)-Komandu Polísia Nasionál Timor-Leste (PNTL) liuhusi atividade operasaun konjunta konsege kaptura membru Grupu Arte Marsiál (GAM) na’in-4 (haat) durante ne'e fasilita movimentu ilegál iha fronteira terrestre Timor-Leste ho Repúblika Indonézia (RI).

“Ohin iha oras tuku 2 ita-nia membru PNTL sira halo operasaun konjunta ho servisu koletivu, kaptura tán membru Grupu Arte Marsiál na’in-4 iha área Suku Lebos ho inisiál EdR, NP, AM no JB, ne’ebé durante ne’e sai fasilitadór hodi lori ema husi Lebos ultrapasa fronteira ilegalmente ba Indonézia”, informa Superintendente Polísia, Euclides Belo, iha pájina facebook ofisiál Serbisu Relasaun Públika, Ministériu Interior nian, ne'ebé www.tempotimor.com asesa, kinta (12/08).

Sidadaun na'in-4 ne'e, PNTL kaptura iha loron kuarta (11/08), maizumenus tuku 14:00 meiudia, iha área Lebos no sira husi Aldeia Gole, Suku Deodet, Postu Administrativu Lolotoe, Munisípiu Bobonaru.

Aleinde ne'e, PNTL mós hetan evidénsia sira hanesan, atributu arte marsiál husi PSHT (Persaudaraan Setia Hati Terate) hamutuk ho motorizada 2 ho marka Honda Versa no Yamaha Jupiter MX ne’ebé lori ona mai iha postu Unidade Patrollamentu Fronteira (UPF) Alto Lebos.

Ho atividade ilegál ne’e, suspeitu sira ne’e viola ona lei númeru 5/2017 19 abríl kona-ba rejime jurídiku prátika Arte-Marsiál no Rituál sira, Arma Branka, inklui Rama Ambon.

“PNTL mós asegura ona motorizada rua hanesan evidénsia iha postu UPF Alto Lebos no agora daudaun sira na’in-4 iha hela sela detensaun UPF Companhia Alfa Tunubibi, hodi halo prosesu identifikasaun hafoin entrega ba komandu PNTL Munisípiu Bobonaro hodi halo investigasaun”, dehan nia.

Entretantu, sidadaun na'in-4 ne'e, UPF entrega ona ba Komandu PNTL Munisípiu Bobonaru hodi halo detensaun durante oras 72, hafoin kontinua ba prosesa investigasaun tuir mai.

Iha operasaun konjunta ne’e envolve Servisu Informasaun Polísia (SIP), UPF, F-FDTL, COE, BOP, PNTL Komandu Munisípiu Bobonaru nomós PNTL destakadu husi Komandu Munisípiu Dili. (*)

Rate this item
(3 votes)
Last modified on Thursday, 12 August 2021 12:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter