“Husu ba populasaun sira iha fronteira atu kontribui ita-nia forsa seguransa sira, hanesan ami sira ne'ebé iha fronteira hatene katak tama sai fronteira ne'e la'ós difísil e mós tanba ita-nia relasaun iha ne'ebá dala barak iha lasus familiar entre husi mota sorin mai iha mota ita-nian entaun ita-nia fronteira ne'e iha ku'ak barak”, dehan Fidelis iha Palásiu Governu, kuarta (11/08).
Ho ida ne'e presiza kooperasaun husi lia-na'in, autoridade lokál no komunidade sira atubele halo kontrolu di'ak ba entrada no saida ilegál iha Timor-Leste.
Tanba iha Semana ne'e Polísia Nasionál Timor-Leste liuhusi Unidade Battalaun Orden Públika (BOP) no Kompaña Operasaun Espesial (COE) no Unidade Patrulla Fronteira (UPF) kaptura sidadaun timoroan ne'ebé tenta la'o ilegál ba fronteira Indonézia.
Entretantu Polísia Repúblika Indonézia (POLRI) mós kaptura sidadaun Timoroan ilegál hamutuk na’in-113 mane hamutuk 103 iha Indonézia-Atambua iha loron (09/08). (*)