“Aviaun ‘Cessna 206’ ne'ebé sei fornese ba F-FDTL, ne'e nia atu utiliza, kontrola iha tasi Timór ne'ebá, atubele deteta atividade peska ilegál sira iha área Marrítima Timor-Leste nian”, dehan Embaixadór Kevin Blackstone iha rezidénsia Primeiru Ministru, Taur Matan Ruak, farol, sesta (23/07).
Aliende ne’e iha mós projetu seluk ne'ebé Governu Amérika sei fasilita nia Embaixadór sei prepara fatin ba aviaun atu para.
“Depois projetu seluk ne'ebé atu mai mak hari’i fatin aviaun para nian, nomós ekipamentu apoiu umanitária seluk ne'ebé ke sei ajuda husi Aeroportu nia funsionmentu nomós autoridade aviaun Sivíl ninian nesesidade”, dehan Kevin.
Antes ne'e Asina MoU ho iha parte Kompetente sira sei fó prioridade ba autoridade Aviasaun Sivil Timor-Leste nian, Ministériu Transporte no Komunikasaun, hodi define prioridade Governu Amérika sei fornese formasaun tuir prioridade no nesesidade ne'ebé parte kompetente presiza.
Tanba, EUA sei oferese tan apoiu osan millaun ida ba Ajensia Protesaun Sivíl, sei konstrui sentru atendimentu Emerjénsia ida kontrolu ba Emerjénsia.
“Ha'u mós husu ba Governu Timor-Leste atu alista nia prioridade sira depois hato'o mai atu nune'e apoiu ne'ebé fó ba Timor-Leste ne'e tuir prioridade Governu nian iha parte aviasaun Sivíl nian tanba depois orsida Autoridade Aviasaun Sivil Federal Amerikanu nomós Autoridade Alfándega Estadu Unidus nian, sei fó apoiu ba Governu Timor-Leste”, hatete nia. (*)