“PNTL halo kapturasaun hamutuk ema na'in-9 nomós deporta ne'ebé iha hamutuk ema na'in-14 ne'e semana rua nia laran”, dehan Faustino hafoin sorumutu ho Prezidente Repúblika, Francisco Guterres 'Lú Olo', iha palásiu prezidensiál Bairopite, kinta (22/07).
Bainhira kaptura sidadaun hirak ne’e kumpri regra estadu emerjénsia nian, submete ba kuarentena, no livre ona husi kuarentena durante loron determinadu hafoin kontinua prosesu investigasaun.
Lei hatete, sira ne'ebé hakur ilegál sai mós sujeitu ba prosesu ida ne'ebé sira rasik sei selu, maibé agora kona-ba parte ida ne'e administrativu komandu sei aprezenta de'it katak, Diresaun Jerál Servisu Imigrasaun mak aplika, hodi bele utiliza lei imigrasaun nian.
“Seguransa PNTL nian iha fronteira, ita koopera ho entidade lokál liliu lideransa komunitáriu sira, tantu mós parte hothotu ne'ebé liga iha ne'ebá atu asegura ida ne'e no parte polísia mak ne'e sei la nem atu tolera oituan kona-ba atus ilisitus”, afirma nia.
Nune'e, Prezidente Repúblika, Francisco Guterres ‘Lú Olo’, husu PNTL servisu la'o nafatin, buat ne'ebé kompeténsia kna’ar no responsabilidade komandu nian, Komandu presiza nafatin haree ida ne'e. (*)
