"Operasaun ba seguransa fahe ba komandu rua. Portantu, seguransa próximu entrega ba Polísia no seguransa afastada ne'e ba F-FDTL," dehan Ministru Defeza no Seguransa (MDS), Filomeno de Jesus da Paixão iha Palásiu Governu, Kuarta (24/07/2019).
Tuir Ministru Defeza no Seguransa Filomeno de Jesus da Paixão katak, membru PNTL ho F-FDTL sufisiente atu halo seguransa iha eventu 30 agostu. "Na'in hira? Ha'u labele dehan. Portantu, barak. Sufisiente para asegura," tenik Filomeno.
Kona-ba problema hirak ne'ebé akontese iha rai laran, MDS garante sei la afeta ba komemorasaun tinan 20 referendum . Tanba, tuir MDS ba oin laiha ona toleransia ba ema ne'ebé halo problema sira ne'e.