“PNTL munisípiu Dili iha totál mentor ne'ebé iha ne'e atuslima (500) resin ne'e, por volta de 414 vasina hotu ona. Falta 100 itál, tanba ne'e mak espera ohin (29/06) sira mai vasina, semana ida ne'e sei organiza para sira ne'ebé seidauk simu vasina ne'e, para hothotu bele vasina”, deklara Segundu Komandante PNTL munisípiu Dili, Superintendente Polísia, Euclides da Costa Belo, iha Kaikoli, tersa (29/06).

Membru balu ne'ebé seidauk simu vasina, tanba ho kondisaun moras, labele la'o, nomós balu tanba sei okupa ho servisu mak seidauk bele vasina.

“Maibé, ohin (29/06) komandante distritu orienta ona ba komandante eskuadra hothotu husi ofisiál, sarjentu, ajente atu semana ida ne'e nia laran, hakarak ka lakohi, gosta ka la gosta, vasina ne'e tenke ser kompletu, para ita foku ba vasina segunda doze nian”, dehan Euclides.

Tanba ne'e, ba membru hirak ne'ebé mak kompleta ona vasina ba segunda doze nian, livre ona atubele la'o tuir prosidementu, protokolu Ministériu Saúde (MS) no Organizasaun Mundial Saúde (OMS) nian.

“PNTL sai hanesan ezemplu ne'e, hothotu tenke ser vasina, anaun-ser ba sira ne'e ne'ebé husi parte médiku dehan katak labele vasina, liliu sira ne'ebé mak sei nurak ki'ik oan liu. Mais ida ne'e matéria médiku nian, ne'ebé ami labele tama iha ne'ebá. Importante husi orientasaun komandu nian mak membru PNTL hothotu tuir vasina”, deklara nia. (*)