Lere Lakohi Ema Uluk Kontra TL Ukun-an Tama F-FDTL

Membru F-FDTL. Membru F-FDTL. Foto Suplay

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur, deklara nia parte lakohi no taka dalan ba joven ne'ebé nia família uluk kontra Timor-Leste (TL) ukun-an tama iha F-FDTL.

Tanba ne’e iha hanoin kona-ba veteranus nia oan maibé hetan kritika barak, no konsidera diskriminasaun ba sidadaun sira polítika sira komesa manán kosekuensia ho propriu situasaun.

“Partidu polítiku balun halo sira-nia komentáriu, sira-nia kritika, ita Timor moris iha sidadaun ita iha direitu hanesan mais ukun direitu la hanesan ona, bele ne'e ha'u hanoin katak, ema konkorda ida ne'e, agora ema ida ne'ebé mak lakoi ukun-an, mai ha'u-nia fatin ha'u la konkorda”, dehan Lere hafoin sorumutu ho Prezidente Repúblika, Francisco Guterres 'Lú Olo', iha palásiu prezidensiál Bairropite, kuarta (23/06).

Maske ukun ne'e direitu la hanesan maibé nu'udar sidadaun direitu moris di'ak, direitu moris livre, direitu iha rai ne'e hothotu direitu hanesan maibe ba ukun ne'e direitu la hanesan ona.

"Sidadaun Timor-Leste hothotu, mas agora sé mak tama, la tama ne'e ha'u mak hatene hotu, maibé la'ós ha'u hatete ba imi katak, ida ne'e la tama tanba ida ne'e, ida ne'e tama tanba ida ne'e”, afirma nia.

Maibé kriteria jerál mak sidadaun ne’ebé saúde di'ak, feto sira la bele kaben na’in no ema ne'ebé komportamentu di’ak no laiha krime.

"Feto sira ne'e dalaruma kritik ha'u, nusa mak hanesan ne'e tanba kaben na'in ne'e problema boot kuandu labarik moris fulan 6 lisensa maternidade, fulan 6 hotu mai dehan komandante labarik moras, labarik tanis ida ne'e ita la deskrimina maibé ita komprende”, dehan Lere. (*)

Rate this item
(1 Vote)
Last modified on Thursday, 24 June 2021 06:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter