“Ha'u hato'o ba Presidente Republika, atu hato'o ba Primeiru Ministru katak, ba instituisaun militár ba material militár sira, ha'u lakoi fó ba kompaña, Instituisaun ba direta, direta ba fabrika, ne'e militár la'ós sosa hahán mak ita tender (konkursu públiku) fali, ne'e material kilat musan, tenke ba direta”, deklara Lere hafoin sorumutu ho Prezidente Repúblika, Francisco Guterres 'Lú Olo', iha palásiu prezidensiál Bairopite, kuarta (23/06).
Tanba instituisaun halo negosiasaun ho fábrika ka governo ho fábrika di'ak liu, labele halo hanesan tinan hirak liuba, hodi loke konkursu públiku ba sosa kilat musan.
Tanba sosa kilat no karreta bainhira loke konkursu públiku, dala ruma interese iha laran, atu kompaña bele manán pursenntu to’o sianulu (90%).
“Ha'u nu'udar Jenerál ne'e ha'u 10%, ida ne'e mak dala ruma mosu la'o iha ami-nia kakutak ne'e, ida ne'e ha'u kontra”, afirma Lere.
Bainhira iha instituisaun F-FDTL mosu interse ba pursentu, komandu sei foti desizaun hasa’i, tanba iha ne'e atu servi instituisaun, la'ós lori instituisaun servi fali interese.
“Kestaun administrasaun, jestaun ne'e oin seluk, ne'e dala ruma ita failla mais konsientemente atu hola buat ruma ba estadu nia di'ak, maibé o lori estadu halo fali aproveita o nia di'ak, di'ak liu ha'u mak sai ou imi mak sai ida ne'e importante, ha'u preokupa loos”, dehan nia. (*)