Governu Presiza Avalia Servisu PNTL ba Revizaun Planu Interna 2030

Emblema PNTL. Emblema PNTL. Foto Suplay

Tempotimor (Dili)-Fundasaun Mahein (FM) Organizasaun Sosiedade sivil durante halo observasaun kona-ba servisu instituisaun Polísia Nasional Timor-Leste (PNTL) ho Falintil-Forsa  Defeza Timor-Leste (F-FDTL) husu atu governu halo uluk avaliasaun ba servisu instituisaun PNTL hafoin halo revizaun ba planu estratéjia seguransa interna 2030.

“Ko’alia kona-ba asuntu sira seguransa interna ninian, liliu observasaun sira husi sosiedade sivíl iha asuntu polisial ninian. Primeiru mak kona-ba planu estratéjiku seguransa interna 2030 ninian, iha ne'ebé dezde 2011, planu estratéjiku ne'e tama, governu aprova, no haree mós ninia implementasaun, ami-nia hanoin katak hanesan foin dadauk governu ko’alia atu halo revizaun. Mais ami-nia hanoin oinsá atu halo uluk avaliasaun ba servisu PNTL nian, antes halo revizaun”, dehan Diretór Ezekutivu FM, João Almeida, hafoin sorumutuk ho Vise Ministru Interior (MI), António Armindo, iha Vilaverde, tersa (22/06).

Durante luta hasoru Pendia Global Covdi19 iha Timor-Leste, FM mós observa kona-ba servisu polísia ninian saida mak presiza haree hodi bele hadi'a di'ak liután.

"Ita haree katak durante covid-19, kroze saúde públika ne'e, polísia nia servisu vizível tebes, no ita husu kontinia vizivel, la'ós de'it iha tempu ida iha kríze saúde públika ne'e de'it, maibé iha tempu tomak”, hateten nia.

Maibé kestiona kona-ba utilizasaun armas husi membru sira, komandu PNTL presiza kontrolu arma, tanba esperiénsia iha kazu barak akontese durante ne’e.

“Hanesan foin dadauk akontese iha Lahane, e Fundasaun Mahein nia rekomendasaun iha enkontru ne’e, liliu atu PNTL hadi'a jestaun ba arma ninian, liu-liu asesu no utilizasaun, ida ne'e mak asuntu ne'ebé mak ohin diskute ho Vise Ministru Interior”, informa nia.

Tanba ne'e, iha implementasaun planu estratéjiku seguransa interna 2030 nian, husu ba governu atu halo avaliasaun hodi haree saida mak halo ona, saida mak seidauk halo, no saida mak halo ona, maibé seidauk hotu.

Entretantu, Vise Ministru Intertior (MI), António Armindo mós konsidera importante, tanba bele rona hanioin no ideia sira husi Sosiedade Sivíl sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter