Print this page

Jogu Portugal Kontra Alemaña, PNTL Dili Prende Motorizada 146

Komandante PNTL munisípiu Dili, Superintendente Polísia Henrique da Costa. Komandante PNTL munisípiu Dili, Superintendente Polísia Henrique da Costa. Foto Suplay

Tempotimor (Dili)-Polísia Nasionál Timor-Leste (PNTL) liuhusi komandu munisípiu Dili prende motorizada hamutuk 146, iha jogu kopa Euro nasaun Portugal kontra Alemaña, domingu (20/06).

Motorizada hirak ne’e PNTL prende, durante halo atividade pasa revista iha sesta loron (19/04), maizumenus tuku 16:00 lorokraik to'o dadersan.

“Hahú husi tuku 4, to'o iha madrugada, ita prende motorizada hamutuk 146, ida ne'e ba sira ne'ebé mak balu laiha karta kondusaun, balu laiha asesore motorizada nian, balu uza kenalpot resin, balu mós la uza kapasete ho tan infrasaun sira seluk”, hatete Komandante PNTL munisípiu Dili, Superintendente Polísia Henrique da Costa, iha Kaikoli, segunda (21/06).

Evidénsia hirak ne'e, rai hotu iha komandu munisípiu Dili iha Kaikoli, no parte Unidade Tránzitu ninian, halo hela identifikasaun tuir lei hodi aplika multa.

“Agora passa hela billete ba sira para nune'e sira hodi ba selu iha banku, hafoin sira mai foti sira-nia motorizada”, dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items