Xefe Departamentu Tránzitu Nasionál Seguransa Rodoviária, Superintendente Polísia, João Belo hatete, karta kondusaun ne'e, hanesan autorizasaun ida ema atu konduz transporte iha estrada públiku.
“Sé uza mai estrada públiku, polísia tránzitu sei atua, e sei regulariza tuir lei ne'ebé mak iha. Ida ne'e mak ha'u hato'o, husu ba maluk sira liliu alin joven sira, atu koopera ho ami, kumpri autoridade, ordén ne'ebé mak ami fó kumpri mós ita nia lei sira ne'ebé mak movimentu iha estrada nian”, deklara Joăo Belo iha Komandu Jerál Kaikoli, sesta (18/06).
Bainhira laiha karta kondusaun motorizada no karreta bele hamanas motorizada iha uma, labele lori mai estrada ba públiku.
Tanba iha lei kódigu estrada nian, artigu 75 esplika, bainhira konduz motorizada ka kareta ruma iha estrada públiku, tenke iha karta kondusaun bainhira uza karreta ka motorizada.
Aliende ne’e bandu mós motorista sira konsumu alkohol, bainhira kondúz hela transporte ruma. (*)