Print this page

Postu Dom Aleixo ‘Risku’ ba Konflitu, Ataúro ho Metinaru Lívre

Komandante PNTL Munisípiu Dili, Superintendente Polísia, Henrique da Costa ko'alia helaa ba media sira iha knar fatin kaikoli, tersa (15/06). Komandante PNTL Munisípiu Dili, Superintendente Polísia, Henrique da Costa ko'alia helaa ba media sira iha knar fatin kaikoli, tersa (15/06). Foto tempo Timor

Tempotimor (Dili)-Polísia Nasionál Timor-Leste (PNTL), liuhusi komandu Munisípiu Dili rejísta insidente ne'ebé akontese iha eskduara Postu Administrativu Dom Aleixo sai risku ba konlfitu, tanba númeru insidente ne'ebé aas.

Maibé iha fulan-abril to’o maiu tinan 2021, eskuadra Postu Administrativu Ataúro ho Metinaru, munisípiu Dili lívre husi konflitu.

“Husi komandu munisípiu Dili hakarak atualiza dadus insidente no asidente kriminal nomós tránzitu ninian katak, primeiru kona-ba iha kriminal ninian, iha fulan-maiu 2021, komandu munisípiu Dili rejísta kríme hamutuk 151, ne'ebé mak maioria akontese iha área Dom Aleixo ninian, ho númeru insidente hamutuk 74, iha eskuadra rua mak la rejísta kríme mak hanesan, eskudara Ataúro iha fulan-maiu ninian zero, e eskuadra Metinaru hetan de'it kazu ida”, informa Komandante PNTL Munisípiu Dili, Superintendente Polísia, Henrique da Costa, iha komandu Kaikoli, tersa (15/06).

Durante iha fulan-maiu, asidente tráfiku ne'ebé akontese iha kapitál Dili hamutuk 49, mate na'in-rua, kanek todan 11, no kanek kaman hamutuk 52.

“Ita kompara fulan-maiu ho fulan-abril ninian, katak iha fulan-abríl ita rejísta de'it kazu 89, i maiória akontese iha área Dom Aleixo nafatin, e eskuadra Ataúro ho Eskuadra Metinaru, la rejísta kríme ruma”, dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items