Prezidente Komisaun B, deputadu José Agostinho Siqueira ‘Somtxo’ hatete, dala ruma sosiedade sivíl sira kestiona membru PNTL sira uza arma estadu nian arbiru, maibé felizmente durante ne'e kontrolamentu ba membru sira sempre halo.

“Kontrolu ne'e iha nafatin, dalaruma ita-nia sosiedade hanoin katak membru sira lori kilat ne'e arbiru de'it”, hatete nia iha Parlamentu Nasionál (PN), tersa (15/06).

Tanba arma estadu nian ne'e, membru PNTL sira utiliza wainhira iha serbisu duni, enkuantu atu foti arma sei asina, no sai servisu tenke rai filafali.

Maibé atu rai arma ne'e, tenke iha fatin ne'ebé seguru, no dala ruma sai kestaun boot ba PNTL tanba fatin ne'ebé atu rai arma arma dala ruma ladun seguru.

 “Ida ne'e mak ohin (15/06) ami haree ida ne'e hotu para bele alerta ba komandu para ba identifika problema sira ne'e, resolve”, hatete nia.

Ho preokupasaun ida ne'e, Komisaun B bolu ona Ministériu Interior (MI) no Komandante Jerál PNTL hodi bele ko’alia audénsia no la'ós hanoin atu foti desizaun maibé fó hanoin ba malu oinsá mak bele buka solusaun ne'ebé di’ak ba instituisaun PNTL.

“Saida mak la di'ak agora, parte PNTL komandu irarkia mak la di'ak ka instituisaun sira be unidade sira iha laran hanesan inspensaun jerál, unidade sira ba laran ne'e mak hanesan la dun servisu, ne'e mak deskontrolu ne'e iha komandante eskuadra sira, ou kondisaun propriu sira laiha ne'e mak la tau kilat”, dehan nia. (*)